2009日本之旅17天遊 (Day 8)
29 AUG 2009 (天陰)
我們3:20pm左右去到君津站, 原先打算坐3:35pm的火車返東京的. 因為大家無食晏, 所以決定係附近的拉麵店食番碗拉麵先.
咁啱俾我們見到一間係池袋好出名的拉麵店 - "大勝軒". (係池袋經常排晒隊o家!) 唔駛諗啦, 一於入去試試!
我們一行16人, 當然又係包場啦. 入到店內, 只有老闆同一位姐姐仔o係度, 姐姐仔問我們趕唔趕時間wor! 我話唔趕, 因為2個人要做十幾碗麵wor, o米o係度慢慢Hea吓Lor!
當我們Order晒之後, 我同老公上車站睇吓可以坐幾點的火車. 最後我們決定坐5:01pm的特急火車返東京.
返回麵店, 報告完火車時間後, 見老闆仲好努力咁整緊麵. 我們梗係又要影吓相啦! 最受歡迎係呢枝好大枝的假啤酒!
我們見店內有好多"哥斯拉"的擺設, 後來問吓老闆, 原來老闆係超級"哥斯拉"迷o黎o家!
"大勝軒"最出名的係呢個特製冷麵. 呢個冷麵真係唔講得笑, 勁大碟, 只需JPY680.00, 個湯好好味, 仲有幾塊叉燒o家! 老闆仲教我們要用咩o野醬汁溝咩醬汁先最好食!
個冷麵真係好大, 好大碟, 我們成班食到好鬼飽. 最勁係梅生, 因為老闆整多o左D麵, 仲唔駛錢請埋俾最快食完的梅生食Tim!
又係時候要去坐火車o拿!
君津 17:01 > 東京 18:06 (JR特急)
車長過來查票時, 我才知道原來呢班特急係要補JPY900.00 o架!
終於到東京o拿! 影吓剛才坐的火車樣先.
東京 > 池袋 (丸之內線)
到o左池袋後, 見時間尚早, 加上我們剛才食了一個勁大的冷麵, 所以決定今晚夜D先係常盤台食晚飯. 有見及此, 我提議亞昌一家同Carol一家可以趁有時間係池袋Shopping吓先, 唔好浪費時間o麻. 因為亞昌一家明天便要回港o拿! 而我仍都要去JR幫亞昌一家買明天的成田特快火車票. 至於他們的行李, 當然可以交俾我們3位猛男幫手先攞番常盤台啦!
池袋 > 常盤台 (東武東上線) 當我們到o左常盤台後, 老公收到Alice的短訊. 她剛剛下機, 會坐8:45pm的成田特快去新宿. Yeah!终於見到Alice o拿! 我同Rosand又要發揮女人本色, 就係見難得咁早返到常盤台, 見d店都唔收. 我們當然要周圍去八吓啦! 仲俾我們搵到間好大的JPY100店Tim, 呢個係大收獲, 因為之後其他團友們都於最後一日去呢度勁購物! 其實我兩個唔係只識得Shopping o家, 我們仲揾定今晚食飯的地方Tim, 免得16人係度等位啦! 大家約好9:00pm係酒店等, 當我們返到酒店打算Check In時, 酒店內唔知發生了咩事, 見平時好閒的哥哥仔, 突然好忙, 走來走去, 仲不停講電話. 係咁話唔好意思, 等一陣!等一陣! 後來有警車同救護車到來,原來有一位住客要入院呀! 啋! 新年流流見埋d咁o既o野, 費事嚇到d細路, 所以叫他們行埋一邊玩, 我們仲整道人牆來擋住他們的視線! 搞掂晒Check In後, 我們便出去食晚飯. 我們今晚去"白木屋"居酒屋. 因為亞昌一家明天走o拿, 所以一起食快餐啦! 雖然我們咁大棚人, 係度揾食完全無難度. 仲有好多位Tim, 不過就要係11:00pm前埋單, 因為居酒屋的姐姐仔話未夠20歲的一定要11:00pm前離開, 因為隨時會有警察來巡查. 食飯前每枱影番張合照先! 我們o個枱要快D叫o野食先得, 因為老公同梅生要10:30pm離開去池袋接Alice呀! 當我們食飽飽返回酒店途中, 剛在車站見到老公, 梅生同Alice出閘呀! 呢個時候係我們唯一齊17人的時刻 (可惜無影合照!). Alice仲即刻派利是俾寶怡同嘉熙, 因為明天唔會見到他們! 因為Alice未食晚飯, 跟住我, 老公, 亞儉同梅生o米陪Alice去Supermarket買o野食! 今晚起我會同Alice一間房住. 點解? 先前我同老公打算幫Alice加床舖o架, 點知酒店為揸Fit人話唔可以加床舖wor! 我話點解24/1那日又可以, 她話因為那天係special case, 所以無辦法wor! 所以最後老公決定過去同亞儉受梅生三人孖舖, 而我同Alice便要一起住o拿! 唔知大家仲記唔記得, 我係1/27輕井澤個篇Blog度提過, 我唔見o左1袋新買的襪呢! 仲打算要2/1返回輕井澤時再查吓有無俾人取走o左! 哈!點知, 今晚亞昌執行李時, 竟然發現我袋襪係他個新買的行李o急度wor! 原來當日我掛住影狗仔時, 把袋襪叫亞寶幫我拎住先, 亞寶拎拎吓以為袋襪係自己, 所以索性把它放o左入o急! 好o野! 終於搵番袋襪, 唔駛唔見o左JPY2,000! (消費總額) : JPY 20,243.00 (2人)摘士多啤梨 : JPY 1,900.00(2人) 雪糕 : JPY 600.00(2人) Lunch : JPY 1,810.00(2人) 東武東上線 : JPY 320.00 (2人) 丸之內線 : JPY 380.00 (2人) 總武本線快速 : JPY 2,900.00 (2人) 特急費用 : JPY 1,800.00 (2人) 晚餐 : JPY 4,200.00 (2人) 酒店(老公) JPY 2,533.00 (1人) 酒店(我) : JPY 3,800.00 (1人) 合計 :
嘉熙最後一日的遊記 :
明日亞昌一家便要回港, 希望大家仲有機會可以一起去旅行啦! 今次能夠同我的契女"寶怡"同"契仔"嘉熙"有一個咁難忘咁旅程, 真係實在太開心o拿!
上一篇 : 日本合家歡之旅 - (Day8 - 29/1/09) Mother Farm - 自由活動篇
下一篇 : 日本合家歡之旅 - (Day9 - 30/1/09) 常盤台,池袋,上野,草津
沒有留言:
張貼留言