牛頭角下村的回憶
18 APRIL 2009 (下雨)
牛下好快就要清拆o拿. 牛下對於我都有一定的童年回憶! 10歲前的我都經常會去牛頭角下村, 因為我的姑姐是住在這裡o家, 後來才搬去了德福花園. 出來做事後, 因為老公老友亞君有一段時間搬入了牛下居住, 所以係呢一年裡我們也是經常會係牛下出沒!
今日我們特登去牛下影相做番個紀念, 不過呢排唔知點解一話出來影相, 就一定會落雨, 唔通我們咁有貴人Feel?
我約o左老公, 亞儉同Alice於2:00pm先去牛下的"何興記"食番碗牛什麵.
食完麵後, 我們係附近先影吓相. 今日真係有好多影相發燒友到來拍照, 可惜周圍都貼滿晒通告, 話唔可以係走廊, 樓梯影相, 又有保安趕人走. 咁o米即係叫人唔好影Lor, 不過邊有人理, 人人都照影.
亞晴亞橦到o拿, 我們過去第八座等他們. 因為雨實在落得太大o拿, 加上9座果邊趕人趕得好勁. 見呢座無保安, 於是我們決定係第八座樓上影相. 最终我們成功地係度影o左45分鐘!
我們先影吓呢D經典o既"蜂巢"先.
之後我們又影吓走廊.
睇吓黑白會唔會有Feel D 呢!
樓梯都係一個好值得回憶的地方, 小時經常會係度猜樓梯級o家!
再影吓大廈的懷舊物件!
呢D係所謂的窗口!
上多一層樓, 見到有人涼衫係度. 兩位小朋友覺得好得意wor!
影完大廈內, 當然要影吓大廈外啦!睇下篇啦!
沒有留言:
張貼留言