與小成的相聚半天

5 APRIL 2009   (時雨,時陰)

我們剛好12:45pm到達西貢碼頭. 我第一時間先打俾今日的主角"Tony", 他已經在碼頭等待我們o拿!

講開Tony, 他係我老公的中學同學, 而我係他們師妹. 之後他去o左美國讀書, 畢業後留美結婚, 間唔中才會回港. 而今次因為我同Carol係Facebook知道他番o左香港, 所以便約出來見面. 今次我都有約埋老公的其他同學, 所以今次都算係他們同學的聚會吧! 當中都有"亞旦", "黎生"等, 相信他們同Tony都有十幾二十多年無見面吧!

跟住我們先去"全記"攞位, 今日全記好多人, 好彩我們預早訂了2枱. 不過可惜今次唔能夠坐3樓的獨立房間, 如果唔係仲Free呀!

之後大家落樓下叫海鮮! 我們分別叫了帶子, 鮑魚, 聖子, 瀨尿猳等....等!

由於未人齊, 所以大家可以先同"Tony"傾吓計, 聚聚舊先.

好o拿! Windy一家同Tammy都到了, 我們可以開始食大餐!

於食飯的途中, 我終於收到亞玲的電話! 我們一班人都有3, 4年無見過亞玲了. 她現時嫁了去日本, 咁啱上星期回港, 所以即刻Call她出來見吓面! 好開心她答應會晏一D到呀!

大家食飽飽後, 互相傾吓近況, 影吓相留念! 我們全係同一間中學o家!

時間剛好, 亞玲來到, 不過Tammy就要走先! 埋單後我們係牌坊前來個大合照先.

之後我們便決定帶小朋友去碼頭公園玩吓. 而亞玲因未食Lunch, 所以我們再陪她去下午茶.

今日西貢碼頭超多人, 沿途大家好開心邊行邊講!

不過最開心莫過於我同Carol竟然撞見李Sir (李Sir係我們F.5時教中文的老師, 我們間唔中都會有約亞Sir飲吓茶!), 當我們吱吱喳喳地不停問亞Sir問題時, 李Sir突然彈句出來話叫我們唔好咁大聲,  會嚇親他太太!  吓! 唔係呀?

      亞Sir你幾時結o左婚o家???

我們上年12月先見過面, 你都無提過! 我們仲話你唔好亂咁指一個女性就話係你太太Wor!

點知亞Sir真係介紹"師母"俾我們認識, 而且過多3星期李Sir仲會做爸爸Tim!

真係好值得高興呀, 我們成班同學等呢日等o左好多好多年o拿!

我一定會係Facebook公報天下o家! 要大家分享呢件開心事! 恭喜!恭喜!

同李Sir道別後, 我們便去西貢碼頭下午茶!

今日真係好開心, 見到咁多好耐無見的朋友. 仲有李Sir呢個咁好的消息!

回家時候, 經過商場有"輕鬆熊"的擺設, 咁啱老公又有相機, 梗係要影番張相啦!