日本東北之旅 (Day 15 - 15/2/08) 會津若松, 大內宿, 喜多方 – 上篇

日本東北之旅18天遊 (Day 15)

15 FEB 2008   (時雪時晴)  

會津若松 8: 16a m > 西若松  8: 21a m (普通只見線)

西若松  8: 22a m > 湯野上溫泉 8: 51a m ([普通]会津鉄道会津線) >大內宿  By Taxi 9:20am

今早8: 00a m酒店大堂集合, 但Tammy同Calvin於7: 45a m便先自行到Lobby,

原因係他們要等 Hello Kitty 校巴. 因為昨天他們於8: 00a m左右見到校巴在酒店門口經過, 所以今早他們決定要影到校巴才心熄!哈!唔知好彩定唔好彩, 他們影到的只有校巴尾部.

我們又再一次要係火車內食早餐. 今次班火車由會津開出至西若松是屬JR段, 之後那段路是會津鉄道, 需補JPY820.

英世先生火車

食吓,傾吓, 好快便到達了湯野上溫泉了!

 站內有火爐

於車站逗留了15分鐘左右, 之後便坐10分鐘的士到"大內宿".

今日的大內宿很寧靜, 初時我以為可能是未到開店的時間. 於是我向村民查問後, 她說今日的店都休息, 因為這幾天都好大雪, 所以大家都要休店及一起剷雪Wo!

吓, 咁我們o米無o野睇! 無計啦, 好彩呢度的景都唔錯, 唯有周圍影吓相啦!

又影相!又玩雪!

 

全個大內宿只有這一間商店今天有營業. (不過我們都無幫襯!

)

行到街尾時, 點解唔見左幾個團友o既? 原來佢o地竟然行左上山頂!嘩, 好危險呀!

 就係由這段見唔到梯級的樓梯上山的.

以下2張相是由冒險上山的團友提供的, 多謝晒!

上山容易落山難呀!小心!

襯佢o地落到一半時, 大家影番張合照先.

係時候要揾o野食嗱, 因為我們約了剛才的的士於12:00pm來接我們. 記得先前裕美的雪影移城介紹過係大內宿用一條蔥食冷麵的食店. 所以我決心也要試試. 由於先前係玩雪的地方, 剛好有字寫住是用一條蔥食冷麵的店舖, 所以我們便返回這店, 可惜這店沒有營業! 但好奇怪

, 店的門是自由出入的, 裹面也點了火爐, 但我們叫了10幾聲

都沒有人應. 於是我問一問外面的大嬸, 才知麵店休息.

係麵店旁有一間Coffee店有開, 所以團友們便決定入內解決午飯. 而我,老公, Tammy同Calvin便決定去剛剛大嬸介紹的"三澤屋"麵店. 大家約好12:00在下Taxi的路口集合.

店內裝潢.

一場來到, 當然要食一條蔥冷麵啦! 不過只有凍, 所以都係2位男士試吧. 我同Tammy都係叫了普通的熱食那種. 果然試過後都係熱的好食D.

 JPY1,000一碗

 條蔥都可以食o家!Calvin話條蔥係辣的.

前菜有柿

 熱食!

時間差唔多嗱, 係時候走了! 臨走時, 見到一位嬸嬸係度剷雪, 因為她好Nice, 所以同她影番張相, 最攪笑係她間店外貼了張有她個樣的Poster.

我們來的時候是3部4人的士, 回程時來了一架7人的士及1架4人的. 咁好似坐7人的抵D, 因為如果無記錯車錢是一樣的, 但係可以除7份Wo, 哈!

我們要趕12:19pm的火車去喜多方呀!

(消費總額) :

Lunch	:	JPY     1,000.00 (1人)
補票	:	JPY     1,640.00 (1人)
的士	:	JPY     1,800.00 (1人)
合計	:	JPY     4,440.00 (1人)

 

上一篇 : 日本東北之旅 (Day 14 - 14/2/08) 會津若松, 豬苗代 – 下篇

下一篇 : 日本東北之旅 (Day 15 - 15/2/08) 會津若松, 大內宿, 喜多方 – 下篇