15 OCT 2009 (天晴)
今日趁上大陸可以早D回港, 於是便去銅鑼灣"澄明堂"覆診 - 睇中醫同針灸!
首先等我介紹吓我位中醫師 - Edwin, 原來我同他認識已有15年Lu! 時間真係過得好快! 最初他是我們(我, 叻靚醒, 囝囝, BenBen等) 的視光學師, 當時我們所有人的眼鏡呀, 隱形眼鏡呀, 驗眼呀, 放瞳呀, 咩都係由他包辦的. 之後Edwin自己出來搞, 我們當然繼續支持啦.
Edwin係1999年更加開始於浸會大學讀中醫課程, 記得2000年奶奶中風後, Edwin更介紹我們帶奶奶到浸會大學中醫部針灸. 由那時起, 他便把眼科混合中醫的方向來幫助他的客人.
2007年Edwin終於可以正式成為中醫師喇! 而露花曾於2008年日本之旅回港後, 有肩周炎(可能他滑雪駁命過度吧!), 當時都係搵Edwin針灸, 經過十多次的針灸後, 真的康復了很多. 而我也是由2008年開始係度睇中醫. 講開, 真係要多謝Edwin係我今次手術後的第朝到醫院來幫我診症, 可以待我回家後有調理身體的中藥食.
明澄堂的中藥全用藥粉o架, 初時我都幾抗拒食藥粉, 不過現在慣o左又覺得好方便Wor!
又要post吓我今次的針灸相出來時, 可能會令人情緒不安, 希望大家無被嚇親啦!
我好相信中醫係調理身體方面的疗效,不過係呢度好難搵好的中醫師
回覆刪除[版主回覆10/18/2009 16:01:00]我都真係幾支持中醫o架!
咁佢真係好叻, 又視光師, 又中醫師. 你好番啲未呀?
回覆刪除[版主回覆10/18/2009 16:00:00]其實我無咩o既, 係攰d啫! 有心!
亞仔細個時, 都係睇中醫調理好條氣管, 中醫係靠得住嘅 !
回覆刪除見個blog 標題, 以為妳同囝囝影咗相添
回覆刪除我以前都試過針灸, 不過硬係見到枝針就 we 嘩鬼叫
回覆刪除結果睇得一兩次之後就無再去嘞
haha, 無la la 介紹Edwin ge
回覆刪除哈哈....我次次針親都同你差無幾!!!!!不過，我個個就慘D，要同我抹埋眼淚水~~~~~
回覆刪除依家無論咩事都係睇中醫好D，西醫雖然話見效，但此終都傷身!!!!! 不過唔知中醫可唔可以令隻眼無近視呢???