日本東北之旅18天遊 (Day 5) 5 FEB 2008 角館 (時晴時陰,有雪)
"Grand Mark" Shopping完後, 大約是晚上6時30分左右, 而我們仍未肚餓, 於是便慢慢步行回酒店, 待7:45pm再出來搵食.
我們依照老板在地圖上寫下的指示由酒店出發, 行了約5分鐘左右便找到了這間食店, 但好可惜是日休息! 我們唯有再找其他食店, 由於很多店舖已關門及路上的街燈較暗, 我們都唔知幾時才會找到另一間食店. 幸好再行多約5分鐘, 我們見到前面有一間食店嗱, 唔好想咁多一於入去食飯, 但當我推開門, 老板問我有多少人, 我話有9人, 他說沒有9人份的食物, (奇怪, 唔通他見到我們個樣就知道我們好大食?) 其實唔係, 因間店很小, 可能只做街坊生意吧. 於是我們再向前2間店進發, 呢間睇落大D 喎, 應該冇問題吧. 點知老板話現在冇飯食嗱, 只有串燒及提供飲酒, 唉! 只不過是8時多, 已經沒有東西食, 好驚呀! 正當係門口討論如何是好時, 店內有2名好人走出來, 介紹我們去前2條街的食店, 我們他呢間係米真的有o野食o架? 他說絕對冇問題. 於是在唔識路加上冇其他選擇下, 唯有依好人的指示再繼續行吧.
終於揾到嗱! 這間店是一間很大的居酒屋, 相信一定冇問題吧. 入去報了人數後仲可即刻安排坐位Tim. 正, 今次仲唔有得食!
這間店名叫”土間人”的居酒屋, 除了有一般的日式食唔外, 還有一些特色的鄉土料理. 食物質數高, 又多花式, 價錢仲好合理Tim. 我們這班大胃皇, 係行咁耐先揾到o野食, 緊係要食番夠本先得La.
豆腐勁滑, 個湯仲好清.正!
以上5款的秋田物產, 除烏冬外, 全部都有叫來試. 個壽司好鬼馬, 咁細舊, 初頭以為送錯來, 壽司點會係咁樣o家? 夾起來一件褢面仲可以分為3小件來食的. D魚味好新鮮, 加上有一些酸酸地的汁, 總之好好味La. 講到個茶漬飯, 我們分別叫了一個日本清酒味的, 一個梅味的, 試過後覺得清酒味好食D.
這個番茄芝士豚肉串燒都幾得意o架!
全晚最特別應該係呢一件燒青魚嗱!初時以為叫錯, 點鮮燒青魚好似魚生咁的, 原來有橋妙的, 用火燒完之後先可以食的. 冇o野講, 都係一句好好味呀!!!
我們係度食吓, 吹吓水, 咁便過了2個多小時, 於是埋單走人. 我們叫到成枱都係, 飲品都叫了2,3轉La, 全單都係23,000yen左右. 真係好抵食呀.
正當大家穿好衫, 打算離開時, 突然我發覺冇食甜品喎, 因為我覺得個甜品好似好正咁. 於是大家話既然咁高興, 緊係要再坐低試吓La. 於是我們再坐番剛才的枱, 跟Waiter講我們要再落甜品order, 攪到佢地都係到笑, 點解食完, 埋完單再返轉頭食o野的!
最終我們一人叫了一個相同的甜品, 真係超好食呀! 返轉頭食係完全正確的, 每人都只係要付450yen, 而且最緊要係開心麻!
(消費總額) : Dinner : JPY26,600.00 (9人份) 感受 : 我覺得今餐係全個東北旅程中較為令我難忘的一餐, 除了價錢外, 所有的料理都好好味, 而且又有一些特別做法的鄉土料理. 加上我地返轉頭再食甜品就已經係夠晒難忘La.
------------------------------------ 合計 : JPY26,600.00
沒有留言:
張貼留言