愛八會飯局

31 JAN 2010 (天晴)

今次係我們"愛八會"的第一次飯局. 話明係"愛八會", 梗係咩都八一餐啦!

"愛八會"飯局地點 : 逸東軒

"愛八會"成員 : 會長亞不, 書記團長, 會員 : Keroppi, 亞Ming同波豬媽. 今次少o左JJ呀, 下次一定要出現喇!

時間 : 12:30PM - 4:00PM

今日為o左可以同大家盡情的發揮愛八本色, 瞓少2粒鐘都無所謂啦! 當我到達酒樓時, 亞不同波豬媽已經到o左喇, 果然準時. 

一坐低, 見到個茶壺形狀好鬼馬, 梗係影張相留念啦!

個人認為飲茶係最好的安排, 可以一邊食, 一邊傾, 一邊等人, 會員遲到少少都無問題o架!

今日我們的"愛八會飯局"話題真係勁個"志雲飯局"呀! 我們真係無所不談, 談旅行的趣事, 激心事及經驗等......等! 大家都好專注咁傾計, 所以無會員記得影低食物的相片Tim!

今次係第一次見波豬媽, 平時睇相見她文文靜靜咁, 原來她好健談o架, 真係好開心見到她的本尊呀! 仲好多謝她的見面禮Tim!

呢Pack蝴蝶餅的包裝好精美呀, 話你知我同露花尋晚已經食晒成包喇! 好好味呀!

今日仲有個驚喜呀! 就係團長竟然係北海道都不忘我們班愛八姊妹, 咁有心買o左手信過我們! 多謝晒呀團長, 好感動呀!

八掛的時間過得特別快! 係時候大家要講Bye Bye喇! 臨走前, 指定動作"大合照"一張, 不過辛苦o左酒樓位哥仔, 要佢幫手用5部機來影我們!

   

暫定下次的聚會於3月份吧. 待亞Ming, 波豬媽同我去完旅行返來後再開八掛大會.

先祝各位會員新春快樂!

散會後, 我捉住亞不陪我去睇眼鏡, 真係唔該晒亞不陪o左我成個鐘!

係眼鏡店, 發現呢款好搞笑的太陽眼鏡, 真係一定要影低笑嚟吓!