27 Mar 2010 (天陰)
今早起身時見到昨晚果幾個汽球無再企直! 究竟係無咩氣oY, 還是它們企o左一晚都係時候要抖抖呢?
好喇! 等我再同D禮物影多次相, 瞓o左一晚, 執執個樣後應該唔會好似尋晚咁殘吧.
再影吓我們房外個景先. 原來間房對住花園的迷宮.
係時候要Check Out喇! 我們個房間號呀!
影完相, 去Lobby影吓生日版先.
仲有10分鐘先開始食Lunch! 又去影吓相, 行吓先!
咦! 呢度有好多小公主出沒呀!
預備去餐廳食Lunch Buffet 喇!
26 MAR 2010 (天晴)
原本打算今日攞假去台灣過生日的, 但由於公司發o左Memo不能在3/20-4/2請假. 於是唯有改便計劃, 決定到迪士尼"主題慶祝".
今日由東莞回家, 已經差不多8:00pm, 跟住同露花去味千食晚飯, 之後才乘馬鐵去迪士尼. (唔知大家仲記唔記得, 我有兩張戀愛星願中抽到的迪士尼車票呢!) 好難得班車無人呀, 梗係啦, 咁鬼夜!
入到酒店已經11:15pm喇. 所以今次我們只會在酒店Hea吓便算, 不打算入樂園玩. 今晚我們入住的房間, 沒有2007年那次住的大, 不過無所謂啦, 都係瞓一晚啫. 不過間房有些少佈置咁啦. 去相!
仲有生日禮物o架!
床頭仲好有心思, 有隻毛巾的小白兔.
另外電話上仲有本人個名o架!
等我同D佈置及禮物影相留念先. 雖然個樣好謝!
喇! 今次的Package仲包下面的Coupon內容. 就係有一張免費的8R照片, 生日蛋糕及兩大一小的Lunch Buffet.
今次的房咭好靚呀. 同2005及2007的不一樣, 有Micky個樣Wor!
大家知唔知呢個係咩來?
係用來綁住D汽球o架!
寫住咁多先, 係時候眠一眠喇!
22 MAR 2010 (天晴)
等到喇! 今晚終於可以睇Eason演唱會喇! 我朋友Cherry係上年11月已經幫我訂o左飛, 不過今次的手續費就貴o左D, 要成$40. 即睇$150, 變成$190.
今晚係我第一次睇演唱會遲到, 因為大老闆今日剛到公司, 搞到我7:30PM才走, 跟住飛的去紅館, 仲要麻煩叻靚醒幫我去老麥買外買入紅館食.
食完老麥外買後, 好想食雪糕呀, 因為覺得今日好辛苦, 加上又要幾位老友等我. 於是我決定請大家食雪糕來開心吓.
開始喇! 先睇吓個台.
今晚全場的氣氛好好呀, 因為所有入場的觀眾, 都有右邊的營光介子送. 大家全晚都著住它來睇Concert
雖然Eason今晚喉嚨唔舒服, 不過他都好盡力演出.
加油呀! Eason, 你仲有15場o架!
21 MAR 2010 (天晴)
今日原本我是要去拜山的, 但由於近來工作實在太忙, 加上今晚要去參加Carey的婚宴.
所以露花叫我留在家中, 瞓晏一點, 打足精神, 今晚扮靚D去飲吧.
露花8:30AM已出門, 而我瞓到11:00AM左右, 便開始繼續做帶回家的工作. 直至下午4:30才完成. 之後便開始執執個樣預備去飲.
今晚未能用自己的相機同一對新人影相. 唯有自己一班同事自拍自娛啦.
係度, 祝一對新人新婚快樂, 永遠恩恩愛愛, 生活開開心心!
