26 MAR 2009 (天陰)
今晚放工時, 才知道老公買了個生日蛋糕幫我今晚慶祝. 真係好開心, 原來我老公仲咁有心思o既! 果然抵o錫!
27 MAR 2009 (零晨12:00正)
因為今晚較早回家, 所以12:00正切蛋糕時要著住睡衣Tim! 真係唔多慣呀!
多謝晒我個好老公呀!
2009年3月30日 星期一
2009年3月27日 星期五
日本合家歡之旅 - (Day5 - 26/1/09) 上越國際GREEN PLAZA酒店 - 上午篇
2009日本之旅17天遊 (Day 5) - 大年初一
26 JAN 2009 (天晴)
今早我們約好8:45集合去食早餐. Rosand同Joan先帶小朋友去拿位, 而我就同班男仕去滑雪學校幫小朋友及Joan報10:00am開始的Course!
2小時收費 : 大人 - JPY3,000 ; 小學生 - JPY3,500 ; 幼童 : JPY4,000
報完名出來, 嘩! 見到好多學生呀! 點解他們都係著橙色o既? 等我都走埋去影番張相先!
之後去餐廳會合Rosand他們食早餐! 第一件事, 梗係要派利是先啦! E~個早餐都係Buffet Wor! 仲幾豐富Tim!
到9:15am, 開始催促個3位小孩要快D食完, 因為要去租滑雪用具呀! 之後仲要9:50am前行落去滑雪學校集合!
收費 : 5小時 - JPY4,500 (大人, 小孩同價) ; 滑雪衣服一套 : JPY2,500 (幼童)
亞晴套衫係度租o架!
租o野的時候, 可以用萬分之混亂來形容! 我們5個大人, 分別去服侍亞寶, 家熙同亞晴呢3位朋友. 而亞昌負責照顧老婆! 我先幫亞晴租衫, 換衫. 而老公, 梅生分別幫亞寶同嘉熙試鞋, 著鞋, 拿Pole! 亞君梗係幫亞晴試鞋, 著鞋, 拿Pole啦! 至於亞儉, 係度幫手拿他們的雪褸呀, 冷帽呀, 手套呀.....!
搞掂晒後, 老公, 亞儉同梅生急急腳咁催亞寶同嘉熙行先, 而亞君帶亞晴, 由於著住對Boot真係幾難行o家! 最後亞君要用雪兜拉亞晴同Joan落去. 而我暫時做o左隨行攝影師, 負責拍Video!
好o拿! 大家终於落到集合點, 但由於我們遲o左10分鐘, 所以個Course已經開始o左! Oh! No! 無得玩Tim! 有無得回水o家??
好彩, 他們話可以改下午個Course! 個Course 1:30pm開始, 唔該班o靚唔好再咁"o米摩"!
既然已經著好晒裝備, 無理由唔自己玩一陣o家! 於是我們班大人又再一次做亞四! 老公教亞寶, 梅生教嘉熙, 亞君教亞晴, 亞昌將對仔囡交俾我們後, 走去教老婆! 亞儉繼續負責拿衣物, 我負責拍攝!
玩o左半個鐘後, 班男仕終於頂唔順, 話要輪到他們去滑雪o拿! 於是亞儉同梅生先去幫小朋友們拿鞋來換, 之後再幫他們拿套滑雪用具鎖Locker!
係呢個時候, Rosand同亞橦终於來到滑雪場了.
於是我決定帶班"o靚"去隔離個"Kids Park"玩水泡!
全日收費 : JPY500 (大小同價) 9:00 - 16:00
他們先玩雪上氹氹轉! 他們的玩後感係"Pet Pet"抺雪地! 好搞笑!
仲有片睇 ~
之後排隊玩水泡! 果然, 他們勁鍾意玩!
仲有片睇 ~
講真! 我都好鍾意玩o家! 記得2000年那次同Tammy, Rosand係雫石都唔知玩得幾開心!
除o左有呢2樣o野玩外, 仲有一個吹氣滑梯, 膠馬仔, 同一些剷雪的工具提供俾小朋友玩!
玩吓玩吓, 好快便12:30了! 又要催班"o靚"返去酒店換裝備o拿! 他們梗係唔肯走啦, 係咁話"玩多一次啦! 玩埋呢次啦!" 最終都要12:45才肯走!
因為個Course係1:30pm開始, 1:15pm要集合. 基本上班"o靚"係唔夠時間食拉麵, 不過他們話唔肚餓, 加上幾條友都唔鍾意食正餐o既, 所以我o米諗住買個熱辣辣的肉飽俾他們食, 點知賣晒! 唯有一人一個"麵包超人"紅豆包加一枝CC Lemon頂吓肚先啦!
係他們食緊包的時候, 班男仕返來o黎! 他們又開始幫手拿小朋友的滑雪用具出來, 及幫他們著Boot! 嘩! 今日真係全程侍候呢3位大帝, 真係仲累過自己玩呀!
OK! 時間剛剛好!終於可以順利帶他們下去學滑雪了!
上一篇 : 日本合家歡之旅 - (Day4 - 25/1/09) 常盤台,池袋,上野, 新潟上越國際
下一篇 : 本合家歡之旅 - (Day5 - 26/1/09) 新潟上越國際GREEN PLAZA酒店 - 下午篇
2009年3月26日 星期四
日本合家歡之旅 - (Day4 - 25/1/09) 常盤台,池袋,上野, 新潟上越國際
2009日本之旅17天遊 (Day 4) - 年三十晚
25 JAN 2009 (天晴)
今日終於開始我們其中一個的主要行程, 就係去"滑雪"o拿!
今次之所以選"上越國際", 因為上年的旅遊展時見到好多年無見的保捷行梁先生, 問他有小朋友的話, 去日本邊度滑雪好呀! 他二話不說便極力推介去上 越國際! 話晒梁生係旅遊專家, 梗係信他啦! 而他亦都真係無介紹錯!
講起梁生, 我們曾去過N年前由他推介的自由行有"印度學滑雪"及"菲律賓朱古力山", 呢2個行程都令我們留下深的印象! 真係每次見到梁生都會有好多好多的旅遊問題要向他請教!
常盤台 > 池袋 (東武東上線)
今早我們約了9:00am係池袋JR中央口會合亞昌一家. 會合前先買早餐上車食!
池袋 > 上野 (JR山手線)
上野 10:38 am > 越後湯澤 11:50 am (上越新幹線)
跟住便乘坐山手線去上野, 再轉乘新幹線. 今日係班小朋友第一次乘搭新幹線火車呀!
上火車後, 由於亞晴同亞橦係無需買票的, 所以要同大人share坐位!不過亞儉同梅生讓出了座位俾兩位小朋友, 因為他兩可以去自由席那邊坐!
個半小時的車程好快便到了, 由於我們Book了12:30pm的酒店巴士. 所以出閘後, 老公, 梅生同亞儉先去探路! 為免又帶住小朋友, 又拎住行李搵錯路就麻煩啦! 所以我們先在車站大堂等他們回來帶路!
出到車站外, 周圍影吓相先!
嘩! 好好天呀! 咁好天, 會唔會落雪呢? D小朋友好想睇雪wor!
E~見到我們架酒店巴士o拿!
25分鐘的車程, 好快就會到達上越國際Green Plaza酒店o拿!
人多有樣好, 咩都搞一餐, 影一餐, 傾一餐! 真係話咁快就到!
到達酒店後, 先Check In! 但房間要3:00pm後才有!
酒店大堂
於是我們先放低行李係宅急便Counter, 跟住我們便去揾地方食Lunch!
Check In時, Counter姐姐俾o左張咭我們玩遊戲, 就係要在唔同的地方把酒店吉祥物的眼耳口鼻蓋齊便會有一支檸檬汽水贈飲! 我當然將呢個責任交俾家熙同寶怡啦!
我們沿途揾餐廳時, 已經吸晒呢張咭了!好o野, 今晚可以去換贈飲!
我們選了呢間餐廳食Lunch!係自助形式的!我食架喱飯 JPY1,200, 老公食漢堡扒餐 JPY1,350 + 咖啡 JPY400!
食完Lunch, 都係時候可以先拿房! 由於4人一房係會平D, 所以今次我共訂了3間房!
大人 : JPY14,000 一晚 (包早晚餐, 全日滑雪PASS)
小學生 : JPY11,000 一晚 (包早晚餐, 全日滑雪PASS)
幼兒生 : JPY9,000 一晚 (包早晚餐, 全日滑雪PASS)
放低行李, 馬上要換滑雪裝備, 因為班男仕要立即去滑, 而我們班婦孺, 便去玩吓雪! 正當老公要換錄影帶時, 部Vedio Camera 個上帶位竟然無厘頭壞o左! 搞到之後的行程都無得拍, 好彩仲有亞君個部"高清"Vedio Camera. 之後我們仲借埋佢部機係我們余下的行程用Tim! Thank You!亞君!
好, 出發o拿! 班男仕要先去租滑雪用具!
滑雪用具收費:
5 小時 : JPY4,500
2 Days : JPY7,500
雪兜 : JPY500租全日
契仔女們同爸爸影完合照後, 班男仕便上山滑雪. 而小朋友初時係門口Warm Up吓先! 之後我們便下去玩雪兜!
呢張係男仕們上山拍的!
天越來越黑了, 班小朋友玩到唔想走! 但亞晴塊面被風吹到紅晒, 真的怕她會凍傷! 於是我同Rosand便先帶亞晴,亞橦同寶怡回房. 而家熙同Joan繼續係度玩雪兜! 因為我們約了7:30pm食晚飯.
回到房間, 先幫亞晴,亞橦護膚. 之後亞晴又要開始做功課, 而今次我都有份教她做的!
之後我同亞橦去寶怡房間. 要她們換上件浴衣, 仲幫她們影吓寫真!
終於等到他們返來o拿! 個個果樣都倦到死咁
好o拿!大家一齊落去餐廳(今晚先試呢間 - 桃李的中華料理)食團年飯啦! 今晚呢個係Buffet o拿o家!
年三十晚, 梗係要影番張食年夜飯的合照啦!
食飽後, 行吓間Shop消化吓先! 頂帽係o米好靚呢? 最终Rosand媽都買o左送俾兩個囡囡!
趁大家Shopping時, 我去影吓晚上人影都無隻的酒店Lobby先!
睇完o野, 我們回房換衫去浸溫泉o拿
浸溫泉趣事一記 : 今次係亞晴, 亞橦第一次浸溫泉, 而寶怡都係第一次裸身浸溫泉! 正當我們脫好衣服後, 亞晴, 亞橦望住D日本女仕們眼定定! 可能她們未見過咁多唔穿衣服的人吧! 當時她們個樣好搞笑! 另外亞晴, 亞橦平時沖涼D水熱少少都唔得o家, 所以寶怡同我要用玩的方法來氹她們下水!
不過我呢個咁八卦的人, 梗係要先去睇睇呢個露天風呂得唔得先o家! 於是,老公, 亞儉同梅生便陪我一起去本館那邊睇睇! 個露天風呂都OK wor! 不過俾我發現一樣仲正o既o野, 就係呢度有得按摩呀! 唔知點解, 呢幾日個肩頸位十分攰, 加上見到有個日本女仕做完後係咁話
嘉熙旅行日記 :
(消費總額) :
早餐 : JPY 800.00(2人) 東武東上線 : JPY 320.00 (2人) 山手線 : JPY 320.00 (2人) Lunch : JPY 3,100.00 (2人) 老公租滑雪用具 : JPY 7,500.00 (1人) 酒店 : JPY 28,000.00 (2人) 合計 : JPY 40,040.00 (2人)
上一篇 : 本合家歡之旅 - (Day3 - 24/1/09) - 笑笑晚飯卡拉OK篇
下一篇 : 日本合家歡之旅 - (Day5 - 26/1/09) 上越國際GREEN PLAZA酒店 - 上午篇
訂閱：
文章 (Atom)