31 JAN 2010 (天晴)
今日下午要帶BB狗去覆診, 驗尿同抽血.
見今日的天氣唔錯, 加上亞Bee呢兩個星期的情況好轉好多, 於是便決定覆診前先帶她去影吓相.
先去娘親屋企樓下的公園仔.
見BB咁乖,請她食D零食啦! 睇她食得幾肉緊!
之後步行去診所. 咁我們可以沿途再影吓相.
好喇! 先去診所報到, 因為起碼要等一小時. 於是我們再帶BB去海旁影相.
今個下午咁早帶o左BB出街, 搞到她無得午睡Tim! 睇! 她開始頂唔住Lu!
喇!瞓著Tim! 醒喇, 亞Bee, 要去睇醫生喇!
再番到診所, 仲未到亞Bee, 睇吓亞Bee個吽樣!
唔好睇亞Bee對眼咁精零呀, 其實現在她唔係咁睇到o野喇! 所以一定要帶她去D她認為有安全感的地方先得.
好彩今日覆診, 醫生都話她有進步, 可能係體重輕o左的關係吧, 因為亞Bee現在只有4.3KGS, 所以今日唔需要抽血喇!
希望亞Bee繼續努力啦! 最緊要係要有胃口食o野呀!
16 JAN 2010 (天晴)
今晚又係我們的家庭大聚會喇! 本來原定的飯聚是上個月做冬的, 後來大家夾唔到時間, 唯有改為今晚冬至團年一次過吧.
下午同兩個小姪女去完杰昇生日會後, 便一起到油麻地的酒樓與老表他們見面. 哈, 今日最早到達的係我們Wor! 之後其他老表都相繼到達喇!
班小朋友一到達便上麻雀枱玩麻雀.
之後到大人開枱, 於是我帶班小朋友玩遊戲.
第一個玩狐狸先生幾多點.
第二個遊戲玩估領袖.
之後再玩打風吹.
好o野! 終於埋位食飯喇! 好可以抖吓喇!
上菜前, 大家影番D埋位相先.
睇吓今晚有咩食!
又到影相的時間喇!
喇! 我們呢班係70後o架!
呢班係80後. 唔知他們有無去反高鐵呢?
只有呢位係90後.
哈! 呢班第三代o米20後Lor!
等菜的時候, 同玲玲影吓相先.
跟住又到家庭合照時間.
最後梗係大合照時間啦. 數吓數吓, 原來我們呢個家族人齊的話有成41人o架, 好熱鬧!
咦!呢張未人齊wor!
先影張正經o既!
再來張"V"o既!
喇!喇!今晚人齊的相!
各位老表, 唔好意思! 今年過年又見唔到大家Tim! 祝大家新一年身體健康, 心想事成啦!
1 JAN 2010 (天陰)
2010年的第一日, 大家一起去坪州行番轉! 今日都好人強馬壯吓, 總共有成18人呀!
今早約好10:45am係中環碼頭集合. 不過今次我同露花差少少便遲到, 因為今早我們要先係鑽石山接亞晴同亞橦後才一起去碼頭, 之後小朋友又要去洗手間o麻! 點解我們要去接兩個細契女, o米因為Honey媽同亞君去o左泰國二人世界Lor!
好喇! 落船Lu!
講開又講, 我同露花都有成20年無去坪州吧. 以期咪咪有個舊同事係坪州有間屋, 所以我們間唔中都會去坪州BBQ.
話咁快就到喇!
第一點係去"天后宮".
係天后宮門外, 見到有隻受o左傷的蝴蝶. 亞晴話要同隻蝴蝶影相wor!
跟住我們行去"東灣海灘"及"龍母廟".
沿途影吓坪州的懷舊事與物.
到喇! "東灣海灘"
"龍母廟"
係時候要去食個晏先.
去到坪州的食店, 感覺有點似去o左日本. 因為我們18人入o左店後, 全店都無晒位喇, 老闆只係招呼我們咋!
