東部華僑城2天遊 (Day 1)
9 AUG 2008 (天晴)
九龍塘 11:15am > 沙頭角 12:30 pm (永東巴士)
今次的主要是陪2位契女放暑假的旅行團. 團員都一行11人o架! 其實先前都有想過去惠陽的棕櫚島, 因為點都覺得返深圳玩駛唔駛HK$2,000幾呀?? 不過最後大家都決定去東部華橋城睇吓貴得值唔值.
我們今早係九龍塘坐11: 15a m的永東巴士, 因亞晴10: 00a m才上完活動班. 唔知係o米好多人昨晚睇澳運開幕夜訓的關係, 又或者要留係屋企睇澳運呢? 今日的巴士都唔係好多人Wo.
到達沙頭角後, 需轉接駁巴士去東部華僑城. 之後係東部華僑城的大俠谷下車, 再轉坐酒店的Shuttle上山. 酒店的Shuttle班次如下:- (我們乘坐1:30pm的巴士上山, 需時20分鐘左右.)
大俠谷 > 茵特拉根酒店 : 每1小時一班, 時間為10:30, 11:30, 12:30如此類推.
茵特拉根酒店 > 大俠谷 : 每1小時一班, 時間為10:00, 11:00, 12:00如此類推.
到達酒店後可以即刻Check In, 太好了! 由於係澳運期間, 所以大堂的擺設都離唔開係澳運的主題.
因為我們都係慳家一族, 所以有全部房都訂了Twin Bed, 於是有3間房需要多買一個Pass, 價錢為RMB450 (包早餐, SPA, 茶溪谷,大俠谷入埸卷及天禪表演). 今次我同Rosand一家仲好好彩咁被Upgrade左住湖景房Tim. (湖景房係要加RMB300 o架! 因為我們其中一間房是已付了Upgrade費用的.)
攞完房, 放低行李後都2:30pm有多. 於是唯有係酒店內的西餐廳食Lunch吧. 間餐廳唔平o架, 食物就一般啦. 我認為海南雞飯係比較抵食一點 (RMB78.00). 明天也是在這餐廳食早餐的.
因為個"天禪"表演會於4:00PM開始, 而我們需先拿個Pass去換入場卷及劃位. 所以老公, 梅生及儉儉先去幫我們換票同劃位.
食完Lunch, 影相, 等埋常小姐及梅爸後. 我們便開始入園了
第一站便是去睇"天禪"Show, 表演時間為1小時.
好唔好睇? 都OK啦. 不過好似都有好多人訓著左Law.
睇完Show後, 我們便往濕地花園出發, 因為小朋友好想去坐7色大汽球. 沿途我們經過湖心橋及小部份的茵特拉根小鎮.
到達觀光汽球後, 我們排了15分鍾左右吧, 因大風關係暫停. 小朋友唔多唔少都有一點失望, 但希望在明天. 所以他們好OK咁話明天再來啦.
跟住我們便在後面的太陽花園同及四季花田拍照.
之後再入四季植物館參觀.
今天的行程都差不多了, 因天都開始黑, 係時候開始搵o野食了. 未搵o野食前,見到有好大個椰青Wo. 又大又甜. RMB10一個. 好抵!
因為我們唔想今晚都係在酒店內食, 於是選了在茵特拉根市場內的津津港式餐廳食晚飯. 都OK的. 11個大人,3個小童, 共食了RMB400, (已有啤酒,甜品等). 另再去隔離的家鄉雞買了一個家庭餐RMB80.00.
食飽飽後, 慢步返酒店.
之後準備換衫去SPA場游水.
去到SPA埸, 才知原來小朋友都要入埸費, 總之超過1.1M的都要付半費 (RMB76.00), 不過D小朋友都玩得好開心, 俾多小小都無所謂啦. 游完水總可以去2樓坐吓同睇電視, 仲有免費的飲品及水果提供. 而4樓有其他的浴池也是可免費提供浸浴的, 但必須於晚上11:00前使用.
今晚要早一點訓, 明天約左8:30am食早餐.
沒有留言:
張貼留言