深圳東部華僑城2天遊 - Day 2 (10/8/08)

東部華僑城2天遊 (Day 2)

10 AUG 2008   (天晴)  

今早大家8:30am食早餐, 由於昨天下午的西餐廳已坐了很多人, 加上餐廳內沒有可坐10人以上的長枱, 於是waiter 請我們去意大利餐廳那邊坐. 早餐都幾多o野食, 質素都OK.

食完早餐後, 小朋友要去遊樂室玩一陣 於是我們沒有小孩的大人先入茵特拉根小鎮影吓相.

之後10:30AM人齊後, 本打算先去坐火車環島遊. 但原來星期日的第一班火車是於12:00PM才開始. 於是我們再四處影吓相, 跟住11:30前返酒店先Check Out, 存放行李及Book埋走的Shuttle後再去坐火車. (套票已包了火車票在內.)

火車站門外已有一條小人龍, 係國內最麻煩便是有很多的同胞通常都唔排隊, 嗜好打尖. 所以少不免會較為勞氣. 而我們咁好彩今次係有份勞氣的一群, 原因係有一個旅行團的帶Guide帶全團團友來打尖. 全程的環島遊時間約40分鐘吧. 沿途風景區都OK, 同時也屬小朋友小睡片刻的好時機.

坐完火車後, 由於小朋友好好記性咁話要玩昨天無玩到的彩色汽球, 所以我們今次兵分兩路, 梅生's Family同柔柔公公先去茶翁古鎮行吓及搵位食飯. 而其他人便陪小朋友去彩色汽球, 我們足足排了40分鐘, 但點知差唔多到我們時, 竟然再一次話風大要暫停. 嘩!真係激死. 唯有叫D小朋友係彩色汽球前拍照留念吧. 下次再玩過啦.

時間都已經是下午2:00多了, 大家都非常肚餓. 於是即向茶翁古鎮出發. 沿途都有好多景點可以影相的. 但由於我們時間唔多, 又要食飯. 所以都無咩時間行茶翁古鎮及拍多一點相片.

好彩梅生夫婦先搵了食飯的地方, 所以我們好快便可以有午餐食了. Thank you! 食店叫聚茗樓.

主要係食的農家菜. 食物都幾好味o架. 我們叫了13道菜, 1個湯, 白飯及啤酒, 全數都是RMB534.00.

食完飯已經下午3時多, 因為Ken's Family同常小姐要先出深圳, 於是他們返酒店取行李後坐纜車下車. 而我們便繼續餘下的行程. 先去吊橋影相, 之後再由吊橋返回茶翁古鎮的入口. 之後便要回酒店取行李.

返酒店前, 先去食番杯雪糕先.

返到酒店後, 我們決定改坐纜車下車. 於是請酒店的Golf車我們到樂園的入口, 坐轉車上纜車站.

 但我們下車後, 工作人員說纜車較多人等候. 建議我們改坐吊車. 由於我們都無咩時間, 因需坐17:55的巴士回港. 所以最後都決定坐吊車下山.

原來去吊車站時是會經過老番Sky Walk (名叫登峄造極). 緊係行番個圈先走啦! 都真係有一點點驚的, 所以都係唔好向下望嗱!

落左吊車後, 需要再坐一小段Golf車到出口, 之後還要行10分鐘才到達巴士站. 如果多行李及小朋友太細,又或趕時間的話, 我唔建議行這段路Law.

感想 : 雖然會覺得返深圳玩要成HK$2,000幾一個Package好似係貴左D, 但去完後又覺得都幾值得去玩吓,睇吓的.

(消費總額) :

酒店Package	:	HKD  2,480.00 (3人)
永東巴士來回	:	HKD     260.00 (2人)
晚餐 & 午餐	:	HKD     212.00 (2人)
Lunch	:	HKD     210.00 (2人)
合計	:	HKD  2,335.00 (2人)

訂房Web-site : www.golf007.com (較永東平宜); 由於我的房間是3人share的,所以計起來會平宜一點.