廈門出差

15 JAN 2009   & 16 JAN 2009 (天晴)

今日的出差目的係到廈門工廠睇貨, 因為近農曆年, 怕工人回鄉心切, 包裝包得唔好, 所以決定上廠睇睇會保險D!

今次我選坐廈門航空, 票價HK$1,030 + 稅HK$470. 價錢合理, 1小時航程姐, 無所謂啦. 只係無坐KA, 無里數唔係好抵姐, 但KA要成HK$2,400多, 咁貴唔化算o麻.

到達後即去工廠, 批貨都OK, 無咩大問題. 因為今日有點唔舒服, 本來工廠帶我出廈門市打邊爐, 但我都係想返酒店休息吓, 加上我好想去酒店的日式餐廳食咖哩飯, 可惜今日餐廳裝修!

今次住的酒店名叫 - 翔鷺國際大酒店, Xianglu Grand Hotel . 這間酒店我都先前都住過好幾次. 聽聞係台灣人開的, 環境同餐廳的質素都唔差. 以我的標準雙人房計, 每晚RMB528 + 4%Tax.

由於日本餐廳裝修, 加上今晚勁多婚宴.

於是只有到中菜廳試試. E~~, 價錢RMB68(包15%Tax)任食點心, 睇吓menu, 都有麵及粥wor! 決定try it!

食物都ok, 唔錯. 我覺得都算抵食Lor!

之後要消化吓, 所以落o左去健身樓層睇睇. 個泳池都好大wor! 如果下次攪廈門團, 可以考慮住呢間酒店.