一人一鍋

12  NOV 2010 (天晴)

今晚露花要到亞儉家幫手搞影音, 而我便約了到BoBo處做一個簡單的射頻. 於是放工前我便 Call 叻靚醒, 睇吓她有無時間陪我食晚飯.

老友即係老友, 當我差不多完成射頻時, 叻靚醒便到達了. 之後我倆便一起去食晚飯. 本來我們拉算到三盞燈茶餐廳食D簡簡單單的東西. 但最後我們竟然一人一鍋打邊爐, 有夠搞鬼. 無他, 因為BoBo話唔錯, 加上價錢亦都好抵食.

一鍋SET的價錢是HK$52, 包一個豬骨鍋, 一碟牛, 一個烏冬/公仔麵, 仲有杯餐飲.

我們再加多兩份菜及一份四寶了丸.

我們慢慢打, 慢慢傾. 咁便過了兩粒鐘. 因為明早要同兩位小契女去迪士尼, 所以十點多便埋單離開.

講真, 以咁o既價錢, 又貪得意的話, 真係幾抵食, 同埋食物質素都OK!