Miss Poon榮休聚餐

29 OCT 2010  (寒冷)

事緣是8月份到李Sir家探訪時, 得知我們的中四, 中五班主任 - Miss Poon已決定今年9月份退休來享受人生.

咁大件事, 一定要搞大佢啦. 所以我當晚回家即把此事於Facebook公佈及約班舊同學出來為Miss Poon榮休慶祝. 好開心, 我們班的同學每次都好湧躍參與, 今次我們總共有17位同學及2位Miss, 所以訂了一間房及兩位酒席來為Miss Poon慶祝.

今晚的聚餐地點是佐敦- 迎喜酒樓. (多謝咪咪與我一起揾酒樓)

今次個廳好唔錯, 非常之闊落. 大家都好滿意.

除了有兩圍外, 還Set了張長枱俾我們埋位前, 坐低傾吓近況.

仲有咪咪親手整的曲奇作為飯前小食.

我們班舊同學每次見面都非常非常之開心, 咩都可以講一餐, 笑一餐. 真的好似回到讀書時一樣. 我真的好慶幸有一班咁好的舊同學, 如果可以, 我都好希望每年都能夠約出來聚一次.

大家傾吓傾吓, 決定8:30PM入席.

雖然尚欠Amy未到, 不過我們都要影住合照先.

之後咩組合都影一餐.

每次見親都咁開心的亞阮及亞蓮.

男子組.

有十幾年無見的亞珊.

仲有十幾年無見的素文及五年無見的張麗冰.

女子組

加埋兩位Miss的女子組.

埋位喇! 先同兩位Miss合照.  

再來同剛到的Amy影番張相.

飲杯! 睇吓PE Miss幾開心.

講真, 其實我們食咩都無所謂, 最緊要是有一個地方可以俾我們班嘩鬼傾個夠,嘈個夠, 笑個夠.

 

有驚喜吓! 原來兩位Miss買了幾份禮物來俾我們抽獎呀! 真係多謝晒, Miss Poon同Miss Chan.

 開始喇!

首先是亞珊得獎. 跟住Miss Chan抽到陳生.

嘻嘻! Miss話我係搞手, 所以有份抽呀! (點解抽唔到自已o既!)

不過我抽到大肚婆素文呀, 占吓她D旺氣都好. Amy如願得獎啦!

到大獎喇! 哈!哈!竟然俾亞蓮得到大獎喎, 睇她開心到要咀Miss Poon Tim! 好搞笑.

得獎者大合照! 得獎的同學當然開心呀, 不過我們無份得獎的一樣相當開心喎.

到上甜品喇.

我們今次特登選了壽包做甜品, 寓意Miss Poon桃李滿門.

大家來張食壽包的合照.

食完包, 到我們送小小心意俾Miss Poon.

各位同學寫下對Miss Poon的祝福! 希望Miss Poon好好享受她的退休生活, 開開心心去多D旅行.

開心的時間真係過得特別快. 咁快便11:00PM喇, 大家來張合照後便散席.

大家, 明年見啦!