露花新玩具

23 OCT 2011

終於買o左喇! NEX出o左無耐時, 露花已經想買, 今次仲有人陪買Tim.
白色果部是亞儉, 黑色果部是露花, 仲有亞君都買o左部銀色呀. 



所以來梗的12月台灣之旅, 1月韓國之旅都可以唔洗帶部大機A850喇, 唔洗露花咁辛苦喇!

 

單車意外

21 OCT 2011

今晚照常食完飯出車, 今次仲專登踩到去科學園試吓我班12月於此搞的Event的路徑, 
一齊都好順利, 直至回程時, 口痕話想去食糖水, 就係咁出事喇!

當我落隧道的斜路時, 唔知點解按唔多brake, 我自炒到露花的車尾, 隨即墮地. 起身時,
露花話你塊面流血, 即幫我檢查, 雖然無流鼻血, 但塊面都流幾多血, 於是決定要去急症室.
但當時兩部車又唔知點喎, 我好冷靜咁同露花講, 不如我自己先坐的士去急症室, 露花推番
兩部車返屋企.

我坐上的士時, 一直都唔敢拎塊鏡出來睇, 只感到我個嘴好腫. 直至掛完號, 到分流處坐低後, 
才拿鏡照照. 嘩! 鼻樑, 左鼻邊, 人中位都傷o左, 上嘴唇腫晒, 好驚毀容呀! 嗚.....

到我喇! 係呢果時候, 露花剛剛到. 他個樣仲驚過我, 我知o既, 因為他唔可以第一時間陪我去醫院,
所以他一路都好擔心我的情況. 露花, 我知你對我好好ga!

護士先幫我打o左枝破傷風針, 之後係咁抹吓我塊面, 照吓我d牙. 之後再出大堂等.

等呀等! 等了差唔多一粒鐘, 之後見我d傷口都穩定, 又無頭痛, 於是決定轉去大圍的24小時診所
睇醫生 (唔知點解當時醒唔起去仁安醫院), 洗傷口, 拎o左5日的抗生素, 消炎, 消腫同止痛藥後便
回家.

所以我今個星期請o左病假, 在家休養, 我個嘴於星期二開始退腫, 明天會再去仁安覆診.

我下次踩單車會小心注意安全, 多謝大家關心.

集體回憶 - 蝦仔爹哋

 

20 SEPT 2011 (天晴)

對於70 & 80後的朋友, 相信都好熟悉"蝦仔爹哋"呢個節目. 當我知道有"蝦仔爹哋"舞台劇時, 即刻決定買票入場睇. 好好彩, 我仲買到第一場Tim!

步入大堂前, 擺滿o左好多好多花牌. 我睇見劉華同千嬅的花牌呀!

仲有好多明星在呢張Poster上簽名.

入場喇! 我們坐最高果行喎!

 

開始喇! 主角逐一出場喇!

 
先出場o既, 梗係蝦仔一家啦. 而陳煥仁做大個o左o既家樂仔. 

  大白鯊出場喇!

第二幕的嘉賓有悄護士(左邊的是廖安麗, 右邊的是江欣燕)



及DoDo姐做的醫生

第三幕的嘉賓有亞Lo & 梁烈唯.

原來在電視機出來的係容祖兒. 

大家帶住副4D眼鏡唱K喎. 好搞笑. 

再之後的嘉賓有余慕蓮, 她做大白鯊的家姐, 叫做大亞灣.

 

跟住到獎門人出場, 全場氣氛好High!

 

原來驚喜陸續有, 令全場至開心的"華仔"出場呀!



開開心心, 嘻嘻哈哈, 好快便11:00pm喇. 終於到謝幕的時間!

好開心, 可以睇到第一場, 仲有咁多重份量的嘉賓!

  
 

 

澳門慶生 - 威尼斯人閒逛篇

27 MAR 2011 (下雨)

因為落雨的關係, 見到的士便拿拿淋跳上車去威尼斯人. 我們分了兩部的士, 我同老爸老媽的較早到達.

人齊後四圍影吓相. 先影吓其中一冀的大堂. 
 


 

跟住行入商場內影吓.





 

由於叻靚醒是第一次到威尼斯人, 所以從例都要影吓"貢多拉".

 

 

再在橋上影吓.

 呢張由我老爸操刀.
 

又到了"聖馬可廣場".

 

 

 

然後我們經過呢樹好靚的大堂, 去室外睇睇.

 

 

又出車

27 SEPT 2011


因為將會有颱風的關係, 相信來緊呢幾日都好大可能會落雨, 所以今晚先出車一轉.
今晚好像踩得順D, 又快o左D. 踩去同一個地方, 較第一次快o左10分鐘, 希望越踩越好, 唔好咁驚青啦!

我們由屋企踩到去沙田醫院附近的橋, 呢條橋再去會到科學園的.

 
踩完返到屋佐後, 再做埋呢部機.

又入貨

24 SEPT 2011

早兩日收到旺角"征服世界"的電話, 話我先前訂的Keroppi有貨喇! 所以今日要去旺角走一轉!

 

 呢份係送俾Cherry的生日禮物.