1 JAN 2010 (天陰)
當我們向住蝦多士出發時, 途中又發現有間佈置得好特別的原居民士多.
所以我們成班人又係度停留o左成半個鐘, 幫襯吓買飲品之餘, 當然要同老闆傾吓計啦! 至於影相就一定唔少得啦!
士多仔對面係坪洲健康院嚟o家!
又繼續起行!
到喇, 终於可以食到坪洲的蝦多士! 嘩!門口已經有好多人等位喇!
等位的時候, 班為食鬼先走o左去買煨鱿魚.
好彩我們都唔係等o左好耐啫! 當我們入坐了不久, 蝦多士餐廳即刻關門, 唔再收客Lu, 我們真係有D運仔Wor!
食飽後, 我們打算坐6:00pm的船返中環. 見仲有時間, 當然係Hea住咁行去碼頭啦.
呢間Bar的Wall Picture好有趣, 而亞晴行埋去又同幅畫幾夾Wor!
Hea吓Hea吓, 要落船喇!
坪洲一日遊完結!
1 JAN 2010 (天陰)
開始下山喇! 原來會再一次途經海邊o架! 我們班咁八的人, 梗係又走過去八八同拍拍啦!
小朋友又點會錯過每分每刻有得玩的機會oY!
玩完喇! 等我捉住亞晴影番張靚相先.
影完小孩, 到大人影喇!
好Lu! 又要出發去第二站喇, 唔好再係度Hea喇!
跟住我們又經過一D小的田, 周圍都係花花草草, 空氣真係好清新!
要行快幾步去食蝦多士喇!
26 FEB 2010 (潮濕)
今次的飯聚都等o左好耐喇! 話時話, 對上 一次見到Tammy都可能係一年前的事, 不過我同Czen可能經常都有msn, 所以感覺都唔係好耐無見.
今日的聚會, 有兩個目的. 一係派利是啦, 二係幫Czen預祝生日.
講開又講, Czen係我到現時為止, 唯一一位認識的朋友中是在2月29日出生的. 所以她的正日對她來講真係好重要, 因為四年才有一次.
今晚為o左成就輝仔放工, 所以好難得約o左係沙田新城市廣場食晚飯. 其實我於星期三便開始打電話到"小南國"Book位. 不過晨早已經話FULL晒Wor! 於是我們o米打算轉食泰國o野, 不過由於Tammy剛去完星馬旅行, 暫時唔想再食東南亞的食物. 所以一於決定攞籌等位.
今晚我都好唔好意思, 因為工作關係, 搞到我是最遲才到Tim! 不過我係幸運之神, 我一到無耐, 便即刻有枱喇!
睇吓我們的開年飯食o左D咩啦!
今晚好失敗呀, 只係掛住傾, 唔鬼記得同Czen, 輝仔及Tammy影合照Tim! 唔緊要啦, 我們四月份會再出來見面o既!
21 FEB 2010 (回暖)
今年真係難得可以咁早來過團拜. 雖然我同Doris都分別去o左旅行避年, 不過大家仍都分別於年初四及年初五回港. 所以大家一早約好於今天團拜. 本來今日的團拜地點係昌爸新屋, 但因為大忙人昌爸今天剛巧要出差去印度, 所以要改為去"陳皮家"聚會喇.
因昨天係"叻靚醒"的正日生日, 又因過年的關係, 未能為陳皮爸慶祝生日. 所以今日仍都係二月生日的慶生聚會
.
切蛋糕, 又點少得小朋友份oY!
食蛋糕前來個新春大合照先.
今日好難得, 我們竟然無開枱. 大家先拜吓利是, 睇吓韓國之旅的Vedio, download番旅行的相, 傾吓計, 食吓日本同韓國買回來的食物, 派吓手送咁啦.
今年我買o左喜洋洋的利是封俾D小朋友呀!
之後大家都要同小B仔 - 澔佳BB影相. 因為今日係BB第一次參加我們的活動o麻!
細佬仔澔佳同大眼爸爸及杰昇哥哥一樣都有對大眼睛, 好精靈呀!
今年見到陳家的大門上有對揮春Wor! 原來係契女亞晴同亞橦的作品.
期待她們明年的作品. 加油!
20 FEB 2010 (寒冷)
嘩! 今年農曆年搞咩呀? 點解香港仲凍過韓國咁o既?
難得今年咁早便回港, 往年唔到年十幾都唔捨得返港o家! 所以今年可以係初十前去老人院同奶奶拜年.
之後約好大家姐, 二家姐同四家姐團拜. 其實她們初一已經團拜過, 今次係專誠就我同露花o家!
咁派利是的環節又點少得呢! 除o左利是, 仲可以順便派埋手送.
今晚我們係大家姐屋企食晚飯! 大廚梗係大姐夫啦.
呢個鮑魚, 花膠加海參真係超正.
呢個日式帶子, 青魚麵豉湯煲勁好味.
今晚真係好豐富呀! 食完仲有四家姐的自家製茶果做甜品.
當然仲有有益的水果啦!
今晚食得咁高興, 餘興節目梗係唔少得 ---- 打番四個東先啦! 哈!哈!哈! 今次係虎年的第一次開局, 好彩發到少少新年財!
