23 MAY 2010
今天早機從上海回港, 晚上約了梅生一同到外家食晚飯.
晚上6:00多回到家, 老爸才跟我們說BB這幾天發生的情況, 他還懷疑可能是寵物美容店令BB這樣的. 於是星期四即打電話到美容店問過究竟. (我相信應該不關他們事, 話晒他們都跟o左BB咁多年, 都好清楚BB的情況, 唔會亂來吧.)
又加上老媽右眼白內障的問題嚴重, 導致星期六在家中跌倒. 真係對唔住老爸喇, 呢幾日要他咁辛苦, 又要照顧BB, 又要照顧老媽.
不過好奇怪, 今晚我們所見的BB已完全無事, 又肯食東西, 又在家中四圍行, 仲吠我們Tim, 完全唔似先前有幾日唔舒服. 所以我同露花都放心晒!(但後來我記起, 我曾拜託一位懂動物傳心術的Blog友, 幫忙同BB講, 因為我同露花經常都唔在香港, 所以如發生咩事, 都要請BB頂住, 等待我們回來呀! 估唔到BB真係做到呀! BB真係好叻呀!)
21 MAY 2010
今日我同露花到上海世博, 我們完全唔知道BB狗的情況. 因老爸老媽沒有致電通知我們.
原來BB今日的也是與昨天一樣, 不願走路, 不願食o野. 老爸老媽話BB只鍾意趴在地上.
20-MAY-2010
由於上星期發現BB狗的皮膚有一點脫皮, 初時打算帶她睇醫生, 後來改變注意叫老爸帶BB到寵物店澡涼.
於是我在17/5曾到寵物店把BB的情況告知她們, 及約了25/5帶BB去澡涼及檢查. 這間寵物店我們已幫襯o左10年喇, 近幾年她們知道BB心臟有時及開始老態, 好多時一落去便即時安排幫BB美容, 之後致電老爸接BB走.
而今晚我同露花夜機去上海, 所以未知BB澡涼後的情況如何.
後來(即我23/5回家時)老爸才告知我同露花, BB去完美容院回家後, 便開始不願行路, 不願食東西, 想去尿尿時便"嗚嗚"叫老爸同老媽幫忙.
10 JUN 2010 (下雨)
BB離開了我們一星期, 咁啱昨天收到亞Paul哥哥通知, 話會於今天下午把BB送回家. 唔知狗狗會唔會好似人世咁有頭七呢回事呢?
今日露花下午本打算到街市買啤梨來迎接BB回家, 不過只有密梨. 都OK啦, BB一樣咁鍾意啫.
下午5時多, Paul哥哥把BB送回來喇, 露花於停車場接BB回娘家.
老爸同老媽已於上星期日,已清理好第一格玻璃櫃來迎接BB回家. 除此之外, 他們還預先Set好要放入櫃內陪伴BB. 真係辛苦晒喇!
露花話BB好似住係波波池咁Wor! 老媽又話BB睡覺時一定要有布或毛巾墊住的, 所以便放了一張BB用過的墊係度. 仲有把疏呀, 呢把疏跟o左BB有16年o架, 一樣好值得珍惜.
BB我們一家人都會一直守護住你o架! 放心啦!
11 JUN 2010
開波喇!開波喇!今晚世界盃開鑼喇! 大家有無約定朋友睇波呢?
今屇世界盃我家沒有裝有線呀, 所以決定如果Weekend有好睇的賽事時, 我們會去儉儉家睇. 如平時的話, 便會返外家陪老爸一起睇.
為o左應節, 今晚經過7仔時買o左件世盃PI呀!
5 JUN 2010 (天晴)
今日中午12時, 我同露花約好在粉嶺火車站會合後一起出發. 點解我們要分開起行, 因我今早要到羅湖取急板, 及需於下午寄往美國總公司.
這三個星期, 我家真的發生了很多事, 但最最令我們全家人擔心及傷心的一定是我家愛犬"靚BB"的發病, 急救, 入院, 出院, 她最後一星期在家的努力及於6月3日的離去.
幸好, 由舊同事Kennis介紹了"亞Paul"幫手, 他真的好細心, 更把我家"靚BB"的美譽保持至最後一刻(16年喇!). 當我及露花見到"BB"的最後一面時, 真的好安慰, 感覺BB好安詳
今日我們只帶了BB最愛食的啤梨, 一件她經常穿的衫仔及她最愛的波波. (呢個波波已陪了她有10年了, 近這兩年我們才禁止她玩, 因為她心臟開始唔好.)
亞Paul仲把我們先前包住BB狗的毛巾清洗乾淨. 睇, BB好像熟睡中的樣子!
BB永遠在我心中. 我愛你呀! 有緣來世一定會再見o架! 你安心上路呀!
我同露花在房中陪o左BB有個多小時. 之後便通知亞Paul可以開始吧. 亞Paul問我們會唔會親自按製, 我們當然拒絕了. 由於食物不可火化, 所以把啤梨放在一旁.
之後我們到辦公室再傾談有關細節.
BB將會下星期可以回家!
好多謝亞Paul的幫忙, 介紹吓這間咁細心的寵物善終服務 : www.petsfuneral.com.hk
