11 MAR 2010 (寒冷)
唔知大家近來有無去"Do"八達通呢?
自從2/25日由同事介紹去"Do"過八達通後, 每晚放工食完晚飯9:00多後, 趁無咩人便同露花去玩吓.
經過差唔多10日的努力, 我們的收獲都唔錯, 仲得到幾張好啱用的車票Tim!
2張天水圍及1張大埔俾o左同事用.
迪士尼, 東涌及坑口的車票各2張, 呢幾張票最正, 啱晒我們係3月及4月份用!
仲有3張機場快線半價票. 唔知有無人會Easter去旅行呢? 如果有而又係打算坐機場快線的話, 唔好客氣, 可以問我攞Wor!
2010年3月5日 星期五
新一年, 郊遊樂 - 坪洲一天遊 The End
1 JAN 2010 (天陰)
大家上船後, 都各自回家. 而我, 露花, 叻靚醒, 亞儉便帶同亞晴亞橦繼續晚上的行程.
行程一 : 帶兩位小妹妹去坐"叮叮". (因為兩位小妹妹好似未搭過電車, 所以我們由中環坐去上環)
行程二 : 家姐亞晴話想食Pizza Heart, 於是我們由上環轉地鐵到太古食Pizza.
好在我們四點幾食o左下午茶, 唔係太肚餓啫. 因為今晚好多人呀, 等位都等o左成45分鐘呀.
行程三 : 晚上10:00幾, 由太古坐Van 仔到藍田, 將兩位契女交俾亞"端"帶回家.
喇! 陳生陳太, 我呢個契媽係o米好唔話得呢? 今日俾o左個咁豐富的節目你們兩位千金, 放心二人世界啦!
新一年, 郊遊樂 - 坪洲一天遊 Part 5
1 JAN 2010 (天陰)
當我們向住蝦多士出發時, 途中又發現有間佈置得好特別的原居民士多.
所以我們成班人又係度停留o左成半個鐘, 幫襯吓買飲品之餘, 當然要同老闆傾吓計啦! 至於影相就一定唔少得啦!
士多仔對面係坪洲健康院嚟o家!
又繼續起行!
到喇, 终於可以食到坪洲的蝦多士! 嘩!門口已經有好多人等位喇!
等位的時候, 班為食鬼先走o左去買煨鱿魚.
好彩我們都唔係等o左好耐啫! 當我們入坐了不久, 蝦多士餐廳即刻關門, 唔再收客Lu, 我們真係有D運仔Wor!
食飽後, 我們打算坐6:00pm的船返中環. 見仲有時間, 當然係Hea住咁行去碼頭啦.
呢間Bar的Wall Picture好有趣, 而亞晴行埋去又同幅畫幾夾Wor!
Hea吓Hea吓, 要落船喇!
坪洲一日遊完結!
2010年3月4日 星期四
新一年, 郊遊樂 - 坪洲一天遊 Part 4
1 JAN 2010 (天陰)
開始下山喇! 原來會再一次途經海邊o架! 我們班咁八的人, 梗係又走過去八八同拍拍啦!
小朋友又點會錯過每分每刻有得玩的機會oY!
玩完喇! 等我捉住亞晴影番張靚相先.
影完小孩, 到大人影喇!
好Lu! 又要出發去第二站喇, 唔好再係度Hea喇!
跟住我們又經過一D小的田, 周圍都係花花草草, 空氣真係好清新!
要行快幾步去食蝦多士喇!
2010年3月3日 星期三
等o左好耐的飯聚
26 FEB 2010 (潮濕)
今次的飯聚都等o左好耐喇! 話時話, 對上 一次見到Tammy都可能係一年前的事, 不過我同Czen可能經常都有msn, 所以感覺都唔係好耐無見.
今日的聚會, 有兩個目的. 一係派利是啦, 二係幫Czen預祝生日.
講開又講, Czen係我到現時為止, 唯一一位認識的朋友中是在2月29日出生的. 所以她的正日對她來講真係好重要, 因為四年才有一次.
今晚為o左成就輝仔放工, 所以好難得約o左係沙田新城市廣場食晚飯. 其實我於星期三便開始打電話到"小南國"Book位. 不過晨早已經話FULL晒Wor! 於是我們o米打算轉食泰國o野, 不過由於Tammy剛去完星馬旅行, 暫時唔想再食東南亞的食物. 所以一於決定攞籌等位.
今晚我都好唔好意思, 因為工作關係, 搞到我是最遲才到Tim! 不過我係幸運之神, 我一到無耐, 便即刻有枱喇!
睇吓我們的開年飯食o左D咩啦!
今晚好失敗呀, 只係掛住傾, 唔鬼記得同Czen, 輝仔及Tammy影合照Tim! 唔緊要啦, 我們四月份會再出來見面o既!
訂閱：
文章 (Atom)