3 APRIL 2011 (天晴)
今日到班老友為我補祝生日. 有咩搞作, 梗係打台仔啦!
中午先去飲茶!
好耐無見細佬仔喇!
之後到Honey 媽家開枱.
8圈小休, 食蛋糕.
多謝亞晴亞橦送的生日蛋糕.
多謝老友們送的蛋糕.
切蛋糕前, 先影相留念.
大合照!
多謝晒大家!
2011年4月22日 星期五
改了又改的暑假之旅
22 APRIL 2011 (天陰,晚上有雨)
今日终於落實了今年的暑假之旅喇!
今次的暑假之旅, 真係名副其實改了又改.
我們最初於2010年7月已用Asia Miles換了4張香港 > 北海道的機票來回機票, 最於於10月份取消了.
之後我們於2011年1月中改換了6張香港>沖繩的來回機票. 仲咁啱收到"Marriott Club"沖繩Resort3日2夜的Special Package. 諗住暑假可以一行14人開開心心去沖繩啦! 點知, 311大地震發生, 本來地震都打算照去, 但發生核洩較麻煩, 我同露花無問題呀, 不過有小朋友的老友們決定要取消行程.
由於除了要改機票外, 我們仲要改"Marriott Club"的兩晚房間. 為了可以用到機票之余, 又可以用到房間, 初時我們打算改去布吉或三亞. 但是呢兩個地方都唔係我們的理想選擇.
於是我們決定撇除酒店房的問題, 所以便考慮改去墾丁或河內. 經過大家的商量後, 現最後的決定為 -
"Marriott Club"的兩晚酒店 - 改為聖誕節去廣州玩三日兩夜時入住"中國大酒店". (仲有錢退Tim!)
Asia Miles的6張機票 -
輝仔果1張 - 全數20,000分退回戶口內. 因為Czen一家會改去新加玻.
余下我們的5張 - 全改去河內, 每張扣15,000哩, 仲會退回5,000分入戶口內.
今次決定去河內, 大定都幾開心. 話晒大家都未去過. 真係有點期待! 起碼較去布吉及三亞好.
今日剛確認了所有機位, 共8張. 今次的河內行程, 唔駛點煩, 因為我打算照跟"亞不"去年4月的"不漏國"行程呀!
好開心! 終於搞點晒!
講真, 對於去唔到沖繩真係好失望, 希望日本可以快D復完啦, 日本! 我一定會再去o架!
2011年4月20日 星期三
補祝生日 - Mega Box Neway CEO
2 APRIL2011 (天晴)
因為好耐無去唱K, 所以決定約埋叻靚醒, 梅生同Zoby去唱K, 仲係去出名地方靚的Mega Box CEO. 我, 露花同梅生都算大鄉里喇, 今次係我們第一次去呢間CEO.
環境又真係唔錯喎.
5人房都好闊落.
一開始, 梗係唱Eason的歌先啦.
因為叻靚醒同Zoby未食Lunch, 所以她們要係度食, 不過唔多好食.
睇吓我們D Drink o既顏色幾靚.
最好食算是呢個心太軟喇.
我們由2:00PM唱到7:00PM. 臨走前, 當然要影番張相啦. 下次見Zoby都會是6月露花生日的時候Lu!
之後Zoby回家食晚飯. 本來我們諗住入將軍澳陪梅爸食晚飯, 點知梅爸請我們食檸檬喎. 我們唯有近近地係Mega Box揾食啦.
見到有味吉, 一於入去食, 話晒梅生都未試過.
時間尚早, 又唔想咁快走, 所以再叫甜品慢慢坐.
我點的沖繩黑糖牛乳雪糕.
叻靚醒點的北海道牛乳雪糕.
兩位男仕叫了啤酒.
今晚好多謝梅生請食飯呀! 亦都多謝大家請我唱K!
2011年4月7日 星期四
預祝生日 - 多謝Tammy
14 MAR 2011
今晚BenBen Tammy約了我同露花食晚飯. 因為是為我預祝生日, 所以今晚我選了上次去唔到的"銀座梅林"
原來我們都是第一次到"銀座梅林"食飯的.
來到當然是要試吓呢度最出名的炸豬扒定食啦.
原來飯及沙律可以Refill o架. 因為個沙律汁好好味, 所以我Refill了一次沙律.
露花叫了個豬扒蛋飯. 因為鍾意夠汁多.
後來我們掉o左個靚位, 係位Waiter哥哥要我們掉o架.
之後我們再叫了一個柚子雪芭, 好好味呀.
總括來講, 銀座梅林的食物都唔錯, 幾好味. 至於要多過HK$100食一個炸豬扒飯, 就睇吓自己認為值唔值喇. 不過久唔久一次, 都OK的.
今晚好多謝Tammy請我同露花食飯. 今晚見到Tammy比我想像中放得低, 我都放心晒. 唔好意思呀, 我27/3唔係香港, 所以唔能夠出席伯母的告別式. 你要保重呀, 有咩隨時可Call我.
訂閱：
文章 (Atom)