日本東北之旅18天遊 (Day 10)
10 FEB 2008 銀山溫泉 (大雪) > 山形 (天晴) > 寒河江 (陰天有雪)
今早6: 45a m起床, 7: 30a m食早餐, 之後打算到外面再影白天的銀山溫泉. 最後乘坐10: 00a m的酒店巴士到大石田JR站.
早餐 : 今朝的早餐需到大食堂一起與其他旅客食, 其中坐我後面枱的日本BB女好得意O架!
食完早餐後, 正打算出外拍照時. 嘩!D雪都唔細Wo. 於是大家便穿上酒店的所有裝備才起行.
唔得!真係好大雪, 老公話部相機會好傷!終於要入返酒店了. 途中見到老板娘著得靚靚咁行去停車場開始送客, 仲有銀山的居民也在屋頂上不停的剷雪.
返酒店收拾好行李後, 便同Alice快速的Shopping一會. 係能登屋後面有一間會做こけし公仔的工藝店, 於是買了一個こけし的牙簽筒做紀念.
時間話咁快就到10:35am了, 終於要走嗱!真係有點唔捨得. 希望有機會可以再來呢! 臨走前再影多一張相先, 因為先前有位叔叔話呢個係最好的影相位置, 唔知係真唔係, 不過條友仔set左個腳架係度成朝都唔捨得走!
老板娘特意的出來送行, 而且還俾了一小袋糖予我們作小禮物, 真係好有心呀! 再見嗱銀山溫泉!
沒有留言:
張貼留言