日本東北之旅 (Day 12 - 12/2/08) 山形, 藏王溫泉 – 第二天

日本東北之旅18天遊 (Day 12)

12 FEB 2008   藏王溫泉 (陰天大雪)  

今早8: 00a m起床食早餐(除了Tammy外), 因為我,Alice及Shery約了滑雪教練 ( 滑雪學校 ) 9: 00a m上堂, 全程4小時, 上午2小時, 下午2小時. 收費為JPY21,000(可3-6人).

早餐係一個簡單的Buffet, 不過都好足夠及好好味.

食早餐時, 餐廳老闆娘竟然認得我們上年來過, 原來她認得我老公o個嘜頭. 唔知係米老公個樣易認呢?

 好似輕井澤萬福牛肉店的老闆咁, 我們04年第一次去食過, 之後06年再去. 他都仍然認得我們. 仲請我們食沙律Tim. 係米要多謝吓老公呢?

食完早餐, 我們3個學生仔馬上去租滑雪用具. 而男團友們昨天已租了2天的用具, 但他們也很好的陪我們去, 仲幫手搬雪橇. 唔該晒!

滑雪用具收費 : 1天JPY3,200 (已計了20%Off) ; 2天JPY6,000 (已計了20%Off) – 呢間店的用具較舊, 如下次有機會再去的話, 我們已決定會去另一間店租.

又要試雪靴, 又要度雪橇, 攪掂晒已經過了9:00am. 當我們去到Lobby, 教練已在等我們.  介紹過後  - "佐滕教練", 他便帶我們步行去滑雪場, 需時約15分鍾, 因我們穿著雪靴, 托住雪橇, 又要拎住2枝Pole. 所以行得比較慢, 唯有當做熱身啦!

到達滑雪場後, 教練開始教我們一些基本工, 最辛苦都算係踏步向上行. 真係行到成身汗o架!

其實我兩公婆同Alice老公婆於2001年曾經係印度參加過5天的滑雪堂, 當時我同Alice比較吞卜, 綽號係吞卜姊妹花

. 所以老婆的只學懂一點, 而老公就學識了. 因為咁, 這幾年的日本滑雪之旅, 我同Alice都係唔敢坐登山吊車上山頂滑下來, 每次都係自己托餐死咁上上落落咁滑. 所以今次請教練的主要目的便是有人陪我們由山頂滑落來.

玩了半小時後, 我隻右腳有一點痛, 原來隻雪靴裹面爛了, 很刮腳. 好在老公係度配我一陣, 所以他可以幫我去換靴. 不過我就浪費了15分鍾的滑雪堂.

時間過得好快, 當我們學完及做完很多次的轉灣後, 便到了11: 30a m的下課時間. 講真玩了2小時真係累

, 都係時候要休息吓. 等埋班男子組滑落來後, 我們便去食Lunch. 呢間餐廳的食物都唔錯o架, 可以話係飯堂. 上年都係在這食Lunch, 今次我叫了一個焗海鮮飯Set.

Lunch Time時, 終於見到Tammy嗱, 因為她手痛的關係, 所以今次她沒有Join我們一起學滑雪. 下次La, 一定預埋你!  我們係餐廳仲遇見亞Ring (她是我的中學同學), 我先前已知她會去藏王滑雪, 而且本來還約了今晚一起出去飲野

. 哈!竟然咁快便見到她. 好啦!我們今晚再傾La!

2:00pm開始上堂嗱! 今次終於可以坐吊椅上山, 好興奮呀! 首先教練先話我們知用什麼姿勢上吊椅及落吊椅. 之後便幫我們買了1回票上山. 教練先上, 之後到我, 跟住便是Alice同Shary. 好彩, 我成功下到吊椅, 沒有跌低. 勁呀!

Ski Pass : 2 days (全山卷) - JPY8,900 ; 1回票 : JPY300

由於下了吊椅後的那一段路勁斜 (唔係我們初級者玩的), 於是教練便要我們先把左腳的橇除去, 慢慢的行落斜坡.

行了大約10分鐘左右吧, 終於到了較平一點的地方, 可以穿回隻橇了.而教練亦都開始要我們輪流滑下去. 首先係Alice, 係呢個時候, 緊係同Shary影番張相留念啦!

而教練亦都開始要我們輪流滑下去. 首先係Alice, 係呢個時候, 緊係同Shary影番張相留念啦!

好嗱!到我滑下去嗱!

等人整齊後, 一起再跟教練學轉左灣的滑下去!

再玩多了一陣, 突然開始大風雪. 前面的路十分不清楚. 不過有教練在, 一D都唔擔心!

之後去到較為易滑的部份, 教練便由我們自已滑落山.

終於在教練的帶領下, 沒有趺過一次地成功下山了! 其實呢條係初級滑雪道, 一般懂得滑雪的人士(即班男團友)只需15分鐘便可完成. 但我們竟然花了1個半鍾, 哈! 無辨法, 安全要緊o麻! 都係時候同教練Say

了, 先影番張相留念!

之後見時間尚早, 正當研究緊好無再上一次山時, Shary呢位新手毫不考慮便話上, 我同Alice話晒都玩多過好幾次, 無理由唔上姐!

於是我們3人在5位男團友的部同下再向吊椅出發!

今次都係好成功咁下到吊椅呀! 第一次可以與他們一同上到山, 緊係影番張大合照La!

今次無左教練, 有老公,Calvin同Kim Kim睇住. 本打算行番先前的路, 因眼前的路勁斜, 但當我望下去時, 見到Shary同老李已出發了. 唯有跟住去La, 基本上呢段路係撻落去

, 我們不停的趺低, 撻低, 著靴, 坐吓....便花了半小時才到達較易滑的部份. 去到這部份我便可以自在地自己滑下去. 今次都花了差不多1小時才成功征服這個"橫倉雪道"

, 等我影番張相先.

由於男團友要照顧住我們3人, 所以他們玩得唔過隱. 於是要再上多一次山. 而我們3人便慢慢的托橇返回酒店.

因為我們約了亞Ring於8:00pm出去飲o野, 所以我們6:00pm便出外食晚餐. 不過當時勁大雪, 於是打俾亞Ring取消我們的約會. 而我們也隨便在酒店對面的拉麵店解決我們的晚餐.

食完晚飯, 吹完水後, 見雪已停了, 加上時間尚早. 於是我們這班不甘寂寞的人, 便去溫泉街再逛逛,及買手信. 之後返酒店的購物店買雪糕, 本來Calvin要食番上年的Wasabi加唐辛子的勁辣雪糕, 可惜已經轉了款. 不過其他的雪糕都係咁好味的!

飯後甜品食完後, 終於可以返房休息及去浸溫泉了!

(消費總額) :

酒店	:	JPY  15,900.00 (1泊朝食-2人)
Lunch	:	JPY  2,000.00 (2人)
晚餐	:	JPY  1,800.00 (2人)
Ski Pass	:	JPY  8,900.00 (老公2天Pass)
Ski Pass	:	JPY     300.00 (1回票)
學費	:	JPY  7,000.00 (JPY21,000/3人)
Rental	:	JPY  6,000.00 (老公租用2天)
Rental	:	JPY  3,200.00 (老公2天Pass)
雪糕	:	JPY     4000.00(2人)
合計	:	JPY 45,500..00

感想 : 今次請教練陪同上山真的十分滿意, 因為有亞Sir在很有安全感!