日本東北之旅 (Day 13 - 13/2/08) 藏王溫泉,山形,會津若松,鶴城

日本東北之旅18天遊 (Day 13)

13 FEB 2008  

藏王溫泉 (大雪)  

今早8: 30a m起床食早餐, 原打算9: 00a m再上山睇白天的樹冰, 但可惜天公不造美, 由昨晚開始落大雪至今早

. 真是與白天的樹冰無緣, 來了2次也看不成,

可能真的要我再去第3次吧! 於是我們便取消行程及改坐9: 40a m的巴士回山形. 這樣我們便可以早一點到會津若松.

山形 11: 02a m (新幹線) > 郡山 12:32pm  (時晴時大雪)

我們於10: 25a m到達山形JR站, 之後去改我們的新幹線車票到郡山, 跟住再轉火車去會津若松. 於郡山站所轉乘的火車好有趣o家, 有會津吉祥物 “赤牛”的標誌. 不過我們一致覺得他似狗多過似牛Law!

郡山 12:32pm(磐越西線快速) > 會津若松 14:02pm (時晴時大雪)

到達會津JR站便看見了冬季節的裝飾.

我們先到酒店Check In, 今次住的酒店 - Fuji Grand Hotel 是很近車站的, 步行5分鍾都唔駛呀!

Check In 後都2:30了, 所以大家都好肚餓. 於是我們決定先去舊倉庳街附近搵o野食

. 首先我們返回JR站外買1Day乘車票坐"High Collar San"遊覽巴士 - JPY500.00. 一票在手, 喜歡那裡下車便下車, 超方便! 架巴士都幾靓仔o家, 就連按鍾落車個鍾都鬼咁靓!

坐了數個站後, 我們決定係七日町駅前下車, 因為見到車站外掛了個"Cafe"的牌, 於是打算在此食Lunch.  點知原來過了2:00後只有Cake及Coffee

. 我們咁肚餓, 點會夠o家! 好彩問吓姐姐服務員, 她說對面前2條街便會有飯或拉麵之類的食店. 真係唔該晒呀!

天果真係有不測之風雲. 當我們在咁靓的車站前拍完照唔夠5分鍾. 即刻開始下雪, 仲越下越大.

 幸好, 我們很快便搵到有飯食的店舖.

呢間食店剛好被我們10人包場, 因為都沒有剩餘的位可供其他人坐. 店內只有老闆一對夫婦打理. 所以這餐飯食了差唔多1小時15分, 而等的時間是超過30分鍾. 不過無所謂啦, 因為D食物真係唔錯, 加上店內好多擺設, 我們不停的影每樣擺設

, 所以都唔覺等了很久.

我叫了個咖喱飯 - JPY650.00, 而老公叫了個泡菜烏冬 - JPY700.00. 又大碗又好味, 好抵呀!

 

當大家食得差唔多時, 點解Kim Kim的烏冬仲未到的? 原來老闆漏了單, 於是要即刻再整, 而且Kim Kim仲要好快食完Tim. 真係難為了他, 因為兜烏冬真係超熱的.

食飽後

, 見停了雪, 而且仲有一D太陽, 所以我們即時多拍幾張舊倉庫相.

之後再返回剛才的七日町駅前的巴士站乘坐16:10的遊覽巴士向"鶴城"出發. 我們在鶴城三之丸口下車. 但當我們下車唔夠3分鐘, 個天又即刻開始落雪, 仲係超勁大Tim.

我們只好即時走進油站, 以問路為借口來避雪. 這場雪足足下了10多分鍾, 好在油站的年輕哥仔好人讓我們10個人迫爆個油站, 仲好詳細的話我知點行去"鶴城"!

雖然是停了雪, 但是個天唔係太光, 可能會再落雪. 加上當時真係幾凍

, 所以團友們開始考慮係o米要繼續尋找""鶴城"? 我同老公當然係唔放棄啦! 一場來到, 無理由唔去睇睇. 況且都唔知幾時先會再來! 

終於Tammy同老李投降, 決定返酒店暖吓及等我們回去食晚飯. 當我們在巴士站做了決定後, 便看見了往"鶴城"的指示牌.

跟住指示牌行了5分鐘左右, 開始見到結了冰的護城河.

之後見到個門口, 指示為前面是"鶴城"的停車場, 再步行多10分鍾左右, 終於睇見了"鶴城"的天守閣了. 嘩!真係好靚呀!

由於當時的天氣又開始暗及轉壞, 起初打算在這個位置影完相便走. 但Calvin好八卦咁再向前行, 之後仲大叫"好靚呀"! 攪到我們都忍唔住的向前行, 原來可以再近一點影到"鶴城"o家!

唔得嗱!趕住要坐17:50的巴士返會津JR車站, 加上雪越來越大,  所以真係要走嗱!

我們去番剛才的巴士站等車, 等了一陣, 又開始下大雪了.

好在這個巴士站剛好在派出所外, 所以都叫做有瓦遮頭.

等吓等吓, 已經18:00了, 無理由仲未有車o架, 日本的巴士好準時o架?

因為實在太大雪了, 我們決定改坐的士返酒店!

回到酒店都只是6時15分左右, 食晚飯又好似太早. 後來老李同Tammy話酒店附近有一間百貨公司, 於是便去逛逛. (呢間百貨公司是我們這3天內每日的餘興節目!因會津實在太寧靜了, 無商店可行! 又可能我們無去遠一點的地方發掘吧!)

Shopping完, 主要是買明天的早餐. 我們便到百貨公司旁邊的居酒屋開餐!

這間是我們3天在會津食過最好食的一間!我們叫了很多食物(請睇Slide啦!不過這只係其中一部份姐.), 埋單為JPY23,644.00 (10人份).

食飽飯返房睇完相後, 本來大家打算到酒店後面的富士溫泉浸吓( 因為酒店有免費Coupon送俾我們), 不過明天要8:00am出門, 加上又下大雪. 所以都係明晚再去吧!

 

(消費總額) :

酒店	:	JPY  9,800.00 (2人)
Lunch	:	JPY  1,350.00 (2人)
晚餐	:	JPY  4,728.80 (2人)
Taxi	:	JPY     500.00 (2人)
Bus Pass	:	JPY   1,000.00 (2人)
合計	:	JPY 17,378.80 (2人)