上海世博之旅2010 - Day 1 (路經中國,香港,澳門及台灣館篇)

21 MAY 2010 (天晴)

好快地參觀完"城市生命主題館", 我們便返回剛才經過的美食廣場搵食.

今餐我們要食上海菜, 這間是老正興菜館.

我們點了一個價值RMB588的6人套餐, 再加飯同啤酒, 埋單為RMB651.

食完午飯, 我們便開始今日的正式自由行. 我們決定上天橋步行到中國館那邊.

首先當然是要到中國館啦, 雖然入唔到都要睇吓中國館的外觀.

終於睇到喇! 雖然是背面, 影o左先算啦! 想影張無咁多人的相, 真係無可能.

到此一遊後, 我們要落番地面, 去睇睇中國館的入口及我們的香港館.

嘩! 真係好多人呀!

中國館的正門.

中國館旁便是香港館及澳門館.

澳門館. 幾得意oY, 是我們小時玩的白兔燈籠.

好搞笑的合照.

入澳門館都要排兩小時. 決定唔入!

 小廣場

我們的香港館. 一樣要排兩粒鐘. 可以唔入.

睇吓幾多人, 一樣要排兩粒鐘. 可以唔入.

 

行過一點便是台灣館. 台灣館的外型是孔明燈來的.

台灣館是要預約卷才可以入. 所以又無得入.

跟住我們繼續到其他的亞洲館睇睇. 睇邊間唔洗排隊便入啦.

兩位小朋友話無咩機會可以係馬路影相, 要試吓喎!

 

上一篇 : 上海世博之旅2010 - Day 1 (城市生命主題館篇)