韓國之旅2010 (Day 2 - 11/2/10) 尋酒店巴士篇

韓國之旅2010 - 9天遊 (Day 2)

11 FEB 2010  (下雪)

先前訂酒店時, High1的職員回覆我於"舍北"下火車, 便會有酒店巴士到酒店. 原以為會好似日本般, 酒店巴士會預算火車到達時便在火車站外等候.  (後來我發現遲一個站下車會較方便及近我們要住的酒店).

錯!錯!錯!韓國的郊區旅遊設施及資料真的十分不完整.

我於出閘後, 即向一位火車站嬸嬸查問High 1酒店車站的位置. 她帶我同露花出火車站外, 及指示車站位於某酒店大樓下. 其實我們都是估吓估吓她講的o野.

由於當時落緊雪, 加上火車站外是有一段斜路, 如大伙人推住喼一起去找巴士站較麻煩.所以最後由我, 露花同梅生三人先去找找睇.

我們三人首先依嬸嬸的指示搵巴士站, 但完全不正確. 之後沿途問人, 多數老點或不清楚. 就算明明見到兩位身穿High 1服的叔叔在相中的"Kangwon Land"隧道前的停車場, 他們都夠膽死話唔清楚. 唉! 

真係激死, 加上D雪愈來愈大, 真係又激死又凍死.

 大雪喇!

最後遇到一位30多歲, 又懂一點英文的男仕, 他帶我們到正確的巴士站. 最後我們足足揾巴士揾o左一小時.

 呢個便是巴士站.

 

在這間酒店旁.

當我們三人正在火車站下找巴士時, 其他團友幫忙影低火車站附近的景色.

小朋友等到開始無聊, 玩吓雪. 聽聞亞晴亞橦仲開始大叫問"契媽你係邊呀?".

當我們三人找到巴士站後, 由於當時十分大雪, 加上剛才那條斜路, 又要過馬路, 真是十分麻煩. 所以我們決定露花同梅生一人坐一部的士上火車站, 再原車接他們及載行李下來會較快及方便. 而我在巴士站等他們, 因為實在太凍, 我要入Family Mart買罐熱朱古力取暖. 

最終來回了三次才成功, 因後來有部的士拒再上一次火車站. (的士費:W9100)

我終於可以見番我的團友喇!

 

上一篇 : 韓國之旅2010 (Day 2 - 11/2/10) 四小時火車篇.

下一篇 : 韓國之旅2010 (Day 2 - 11/2/10) 剛到High 1酒店篇.