週年聚會

4 MAR 2011

今晚係我們"愛八會"的週年聚會. 各位姊妹都於7:00PM便到達"北京酒樓", 真係唔好意思, 又要等我Tim! 因為近來份工較多o野做, 所以唔可以準時收工. 我知各位姊妹明白我o既!

當我一到達酒樓, 便睇見有很多人在門口等位. 而各位姊妹也點好菜, 一坐低便即刻有美味的食物, 真好!

喇! 睇吓我們有咩美味食物啦!

除了食物, 我仲見到一堆姊妹送的愛心禮物. 真係多謝晒大家!

我們6位纖纖女子, 要食晒咁多食物, 真係都幾困難吓! 梗係要一邊食一邊傾吓計來消化吓啦! 點知酒樓個幾位老伙計, 得晴便走過來, 話我們做咩食得咁慢, 唔好掛住傾, D野會凍, 快D食啦. (係咪好關心我們呢! 實情係他們想我們快D走, 唔好霸住張枱.)

在幾位亞叔o既催促下, 我們真係好快食完. 當食完時, 亞叔突然拎o左個生日蛋糕出來, 初時大家仲以為搞錯了, 原來是我們的會長"亞不"的有心蛋糕呀! 真係多謝晒亞不.

大家一致認為, 呢個蛋糕是屬於我們各位姊妹2011年的生日蛋糕. 祝大家生日快樂!

喇喇淋食完個蛋糕, 仲要俾亞叔話"咁靚o既蛋糕, 你們切得咁醜樣o架!" 真係唔知好笑定好嬲. 明明因為是他們催生晒, 我們先咁急.

未夠9:00PM我們便離開. 嘩!咁早傾完, 邊係我們愛八會的宗旨呀. 於是我們去o左老麥繼續開會. 直至11:30PM先散會.

今晚真係好開心呀! 希望盡快可以再見面啦!