26 FEB 2011 (天晴)
今晚終於有機會去試吓近排勁爆的"牛角"喇!
下午我同叻靚醒分頭扮靚, 我去剪頭髮, 她去做Facial. 之後大家一起先到九灣的牛角排隊攞位.
我們5:30PM到, 嘩! 唔好講笑, D人真係5:00PM便來排隊.
牛角會於6:00PM開始派票及讓客人入座. 初時, 我同叻靚醒都以為多數可以有位入到去坐啦. 點知, 到我們時已經沒有6人枱, 唯有先取票再等呢輪D人食完先有位啦. 講真, 今日專程來到, 無理由就咁走o架, 所以決定等.
好在牛角旁有間Piago可以消磨時間. 於是我同叻靚醒走入去四圍逛及四圍試食. 跟住露花, 梅生同亞儉也到達了.
見仲成粒鐘後先食飯, 所以買D小食來頂吓癮先.
呢個蜜糖燒蕃薯好好食呀.
之後大家見到呢杯北海道5.0牛乳雪糕, 完全括出去 - 食!
人多真係好快消磨完時間. 話咁快7:45PM有位喇!
趁食飯前, 張枱乾乾淨淨來張合照.
我們叫o左好多o野食呀.
仲有甜品.
今次是第一次去食牛角, 味道真係唔錯, 不過較為細碟Lor!
雖然叫o左好多o野食, 不過3位男仕話唔太夠飽, 於是走o左去淘大的茶餐廳繼續食.
好誇! 他們仲要食餐蛋出前一丁Tim! (話你知, 壽星女都有食o架!)
無啦啦, 又搞到12點幾先肯走!
沒有留言:
張貼留言