日本東北之旅 (Day 3 - 3/2/08) 東京上野,仙台,松島,仙台

日本東北之旅18天遊 (Day 3)

3 FEB 2008   上野(下大雪) > 仙台(天陰) > 松島(天陰,有小雪)  

(早上 - 上野 : 7:42am新幹線 > 仙台9:17am到達)

早上7:15酒店大堂集合, 等左5分鐘仲欠2個男團友, 於是梅生致電上房, 原來2位人兄剛剛才起身. 由於我地幾個女仔會行得較慢加上要拉喼,於是決定放低2張新幹線車票係Lobby, 請老板代交俾他們. 一出酒店門口, 便見到落緊雪, 仲唔係細個隻, 好彩老板俾左2把遮我同Tammy用來遮雪, 而且把遮唔使還架, 幾好呀!

剛去到上野駅門口, 竟然見到個2位唔知醒團友已經係天橋口,好恐怖呀!點解佢2個行得咁快架?究竟佢地有冇刷牙同洗面架?

由於上野駅的新幹線月台係要落好幾層電梯的, 所以我地冇時間買早餐, 只好上車先買個蘋果旦糕仔食算La.

到達仙台後,好自然咁照去年的路行去Toyoko Inn. 當我Check In時, 姐姐仔話我訂個間係東口II, 唔係呢間, 吓!點算呀?衰左tim.但我又唔想再拖喼去東口間酒店wo, 於是即刻問姐姐仔呢度有冇吉房, 好彩仲有, 立即上網cancel先前的booking, 改book 現在中央口酒店.

原定搭10:01am的仙石線(快速)去松島海岸駅(需時27分), 因為要改訂酒店加上有團友急需如厠, 所以到達仙台駅時班車剛駛走了. 由於下一班(快速)要11:00才有, 於是決定改搭仙台東北本線去松島駅, 呢班車開10:15am, 需時35分鐘. 因先前冇打算係呢個駅落車, 所以冇任何的準備功課. 出左站後, 第一時間去睇巴士時間表, 班車剛剛10分鐘前開走了,  經問過路人後, 知道可步行去蠔祭位置需時20分鐘, 由於大家的肚子開始肚餓及急不及待想食蠔. 最後富貴的團友們決定搭的士去會場.

(中午 - 松島蠔祭午餐) 

由於一年一次的蠔祭關係,  路上人多車多, 由松島車站到會場都差唔多坐左約10分鐘車, 車錢JPY1,680 (4人). 步入會場, 即見很多的遊人. 行了一會, 發現有一條頗長的人龍, 基於團友們的唔執輸精神, 我們決定排隊. 經我四圍查問後, 原來條隊係排免費蠔鍋, 仲有筷子派tim.  

邊排邊影相, 排了約十分鐘便到我們了, 好o野, 終於可以開始我們的午餐嗱! 原本個蠔鍋係由松島自衛隊煮架, 仲用埋佢地個大鍋爐tim, 好勁! 需然係免費, 但一點也冇欺場wo, 都幾大碗, 仲熱辣辣, 唯一係蠔每碗只有2隻.

食完蠔鍋, 跟住急不及待去買燒帶子(JPY300一只)及燒蠔(JPY300一只), 嘩又要排隊, OK!無難度, 我地懂得邊排邊買其他食物, 一秒都唔好浪費Ma.

話晒都係午飯ma, 食咁少團友們梗係唔夠o架, 跟住再去進攻蠔泡飯(JPY450), 泡飯超正, 勁多蠔, (最少個碗有11只, 最多個碗有13只), 食完呢碗泡飯, 團友們開始抱住個肚話好飽嗱! 碗泡飯真係好好味的, 唔係講假, 因為我地買完5分鐘後便全部沽清了. 唔信, 有相為証o架.

剛剛話飽, 但又見到有一款好似好美味的炸蠔薯餅(JPY200), 決定再買. 食完呢個炸蠔薯餅後真係要離開會埸去松島四圍逛嗱!

(下午 - 松島遊)

由觀蘭亭開始出發, 立即見到很多有水鳥, 之後去五大堂.  講開五大堂, 唔得唔提吓果隻可以錄音的玩具貓頭鷹, 真係好低死, 好攪笑, 可能我地真係笑得太厲害吧, 使到一對日本老夫婦不停的用相機影我地班傻人. 請睇片!

由於3:30pm才開始坐船的環島遊, 加上天氣很凍, 於是我們決定進攻土產店. 當然唔少得再食吓o野啦!

燒魚餅

 扮過年揮春!

(下午 - 松島遊船河)

去到丸文松島汽船取船票的時候, 工作人員話將我地9人改坐細船, 仲有普通話廣播. 嘩! 好開心, 可以包船. (JPY1,260,出發前係網上先訂位, 有DISCOUNT, 原價JPY1,400). 50分鐘的環島遊, 最初大家都有留心普通話的介紹, 當出到海中心, 開始有很多的海鷗後, 我們便不停的餵海鷗的拍照了. 基本上已忘記了要欣賞松島的景色. 不過老實講, 我個人都係心較喜歡餵海鷗多於欣賞景色. 經過一輪狂餵海鷗後(並用了3包蝦條JPY150一包), 跟住船上的姐姐好好心的介紹島的名稱予我, 仲有指出邊處係養蠔場, 邊處係紫菜及昆布養殖場予我們.  最仲後開了一大包紫菜請我地食(JPY1,000一包o架), 試食後ok wo, 都好脆. 本於我們的助人精神, 最後大家共幫襯左JPY7,000.

遊完船河,去自動販賣機買杯熱朱古力嘆吓及暖吓後,  我們便起行往松島海岸車站回仙台. (仙石線普通 - 5:04pm > 仙台5:44pm).  回到仙台第一件事便是去JR STATION BOOK 來近3天的JR TICKET, 特別係去十和田的JR 巴士票, 一定要先BOOK.  好彩遇到個好SMART的姐姐仔 (當然我份清晰時間表的幫助很大La), 我們只花了20分鐘便出齊所有的票.

   

攪點左車票後, 當然要充份利用時間去SHOPPING La. 團友們去逛藥房, 我兩公婆要先陪梅生去買新鞋(因為佢對鞋昨天在廣州落大雨時入晒水.可能係佢對鞋無包保鮮紙掛.).  一到青葉通, 先去 べこ政宗 牛舌店訂8:00PM的位, 因為呢間店好受本地人歡迎o架. (當我回港後買果期飲食男女都有介紹呢間店的.) 之後四圍逛逛, 去約房, 衣物店, 最後竟然係間JPY100店蒲最耐, 仲買左成20樣的零食及飲品.  無計, 鬼叫咁平咩, 尤其係包婆婆薯片, 因為係香港最平都要HK$12一包La.

9人份連啤酒,果汁合共JPY22,240. 呢間的鹽燒牛舌真的好夠味, 又有口感. 好食過我去年係一番町食的那一間. 睇吓上年那間的相片都差好遠La, 不過咁,價錢都會差一點的.

 

(消費總額) :

交通：JPY420.00
早餐：JPY250.00
午餐: JPY1,250.00(燒蠔,燒帶子,蠔泡飯,炸 餅                                                                             坐船：JPY1,260.00
零食：JPY400.00
HOTEL：JPY3,087.00 (DOUBLE BED : 原價JPY8,820, 週六日TOYOKO會員有7折)
晚餐:  JPY2,471.00                                                                                                                     總消費 : JPY9,138.00

感想 : 下次應該要係仙台STAY多2天, 因2次的到訪仙台都是作為中轉站.