日本東北之旅 (Day 4 - 4/2/08) 仙台,田沢湖,鶴の湯 - 上集

日本東北之旅18天遊 (Day 4)

4 FEB 2008   仙台(天陰) > 田沢湖(時晴時陰,有小雪) > 鶴の湯(時晴時陰,有雪)  

(早上 - 仙台 : 8:38am新幹線 > 田沢湖9:57am到達)

早上8:15集合, 如要食酒店免費早餐的需8:00先到LOBBY自行安排. 8:20分尚未人齊, 我決定先去仙台車站, 因我需要去買美味的日本麵包做早餐.

一上到新幹線, 放好行李, 即表示係要食o野補充體力的時間到嗱! (係度要講聲唔該晒及辛苦晒各位猛男的體力勞動 - 搬喼.) 於是大家開始食早餐, 吹吓水, 話咁快就要落車. (又要搬嗱, 猛男!)

每次落車, 我們都會習慣性係月台he吓, 影吓相. (鬼叫日本旅遊點的車站特別多o野影咩!)

 影吓影吓,係閘口見到有一位西裝男士(相信係司機兼導遊)手拿住有我個名的紙牌在等我們. 出閘後, 司機幫我們搬行李上車, 本來司機話架車需要走2轉才可以又坐人又上行李的, 但經我們長期的切行李訓練, 一次便攪定了.  於是先起程到觀光的士公司 生保内観光ハイヤー 放下9個大喼, 之後2小時的田沢湖遊便開始嗱! 點解有巴士唔坐, 要去租車? 因怕天氣唔好, 落大雪時好麻煩, 加上時間唔夠, 又唔係好清楚個湖四圍的積雪會唔會太勁而難行, 而且如果我們的行李放Locker都要JPY500一個,同埋唔知車站有冇最大的LOCKER 呢? 坐巴士又話要JPY350單程, 來回米要JPY700一個人, 仲要班次唔慌密果隻wo. 基於以上各種的擔憂, 我決定搵間觀光的士公司按照我們想去的路線安排行程, 全程收費JPY13,890/9人(包車,包司機/導遊,可放行李). 

行程:  田沢湖JR車站 > 的士公司放行李(2 MINS) > 田沢湖 > 薘來之松 > 姫觀音 > 御座石 > 辰子像 (哈!唔記得再要去埋飲水思源像tim, 不過團友們係唔會知道的.)

田沢湖

御座石

辰子像

我地架車

感受 : 好似富豪有保鑣咁(因為司機/導遊著到成個G4咁), 當你每到一個點, 架車係你旁邊, 仲有個G4護架. 係米好威風呢?  其實導遊先生都好凍o架, 只係著套老西, 冇大褸, 仲要企係湖邊等我地班影相癡慢慢影相, 加上久唔久又有一D飄雪. 於是我於心不忍請佢上車等我們, 因為真係好鬼凍. 需然司機/導遊都好用心咁講解景點資料給我們知道, 不過以我識D唔識D的日文, 只係會明D唔明D law.  

(上午消費總額) :

自組團費：JPY1,545.00
早餐       : JPY    250.00
----------------------------                                                                                                          合計       : JPY1,795.00