慶祝廖生榮休

5 NOV 2009 (天晴)

因為露花的工作將會有很大改變, 所以星期一特地致電約廖生出來教教路. 咁啱那天是廖生的最後一天上班, 而星期二起便是他的退休生活的開始. 於是索性約定他星期四打邊爐來慶祝廖生的榮休!

唔經唔覺, 原來我同廖生認識o左15年喇! 其實廖生係我第四份工時(亦係我做得最長的一份工), 我老闆的親戚, 及我亞頭的好朋友. 話說當年我亞頭是好信命理的, 而廖生對於命理的研究又好得. 所以我亞Head便介紹他與我認識. 之後, 我又介紹廖生給我好多位好朋友認識. 唔講唔知呀,  我好幾位好朋友的小孩的名都有搵廖生幫手俾意見o架! 就係咁, 我們每年年尾都會一大棚人約出來同廖生邊烚吓烚吓邊睇流年(因為廖生超鍾意大邊爐). 請廖生提點吓咁啦.

今日好彩我要去中山, 可以4:00船回港. (唔好以為好正, 我今朝係6:15出門o架!) 所以能早一點到灣仔稻香攞位. 今晚我們由7:00傾到10:00, 而廖生亦都俾o左好多提點予露花, 希望露花來緊的改變能如廖生所講般便好喇! 

 

好多謝廖生今晚的意見, 我同露花衷心希望廖生好好Enjoy他退休後的每一天! 我相信他一定會, 因為他不嬲都咁懂得安排他的每一天!