公司最終決定

10 JUNE 2011 (一號風球)

今日下午兩點多, 終於收到最高領導人的e-mail, 宣佈遣散全體員工, 因為我公司只需14日通知, 會由15號起計, 故大家返到6月尾便變會無業喇!

其實呢件事都拖拉了三個幾月, 所以大家都有晒心理準備, 一D都唔突然. 大家最關心的當然是要收番的應得數目會否有誤.

講真, 我都是第一次遇到公司摺的情形, 真係有點可惜! 係呢5年內, 我都工作得幾開心, 香港及美國的同事都好好, 唉!

 今日與公司的一班同事, 即時來張合照作紀念.

我打算7月去完旅行後, 又或8月讀完個Wedding Planner Course先揾工. 大家祝我好運啦!