15 OCT 2009 (天晴)
今日趁上大陸可以早D回港, 於是便去銅鑼灣"澄明堂"覆診 - 睇中醫同針灸!
首先等我介紹吓我位中醫師 - Edwin, 原來我同他認識已有15年Lu! 時間真係過得好快! 最初他是我們(我, 叻靚醒, 囝囝, BenBen等) 的視光學師, 當時我們所有人的眼鏡呀, 隱形眼鏡呀, 驗眼呀, 放瞳呀, 咩都係由他包辦的. 之後Edwin自己出來搞, 我們當然繼續支持啦.
Edwin係1999年更加開始於浸會大學讀中醫課程, 記得2000年奶奶中風後, Edwin更介紹我們帶奶奶到浸會大學中醫部針灸. 由那時起, 他便把眼科混合中醫的方向來幫助他的客人.
2007年Edwin終於可以正式成為中醫師喇! 而露花曾於2008年日本之旅回港後, 有肩周炎(可能他滑雪駁命過度吧!), 當時都係搵Edwin針灸, 經過十多次的針灸後, 真的康復了很多. 而我也是由2008年開始係度睇中醫. 講開, 真係要多謝Edwin係我今次手術後的第朝到醫院來幫我診症, 可以待我回家後有調理身體的中藥食.
明澄堂的中藥全用藥粉o架, 初時我都幾抗拒食藥粉, 不過現在慣o左又覺得好方便Wor!
又要post吓我今次的針灸相出來時, 可能會令人情緒不安, 希望大家無被嚇親啦!
12 OCT 2009 (天晴)
回鄉咭仲有大半個月就到期喇! 本打算上網預約時間, 點知昨天同今天上網都顯示來緊14天的網上預約全滿額了. 咁唯有要辦公時間去換啦!
諗起要去排隊換回鄉咭, 真係好煩!
今日下午老闆請食完晏後, 我便同老闆申請出外換回鄉咭. 由於公司係九龍灣, 所以到觀塘回就最便喇!
好彩去到都仲有籌, 全個過程需時45分鐘, 都算好彩!
請大家睇吓我10年前o既樣哩! 千祈唔好笑呀!
大家笑完啦! 喇! 來緊我個新回鄉咭張相都幾靚o架!
換回鄉咭的小提示 :
1) 記住copy自己的ID同舊証的副本1份, 如果唔係要蝕HK$4.00架. 我就蝕o左喇!
2) 原來可以投箱申請o架! 大家先係網上download申請表, 預備ID同舊証的copy, HK$390大元的支票. 之後到中旅社買個專用信封便ok. 咁可以慳番唔少時間o架!
10 OCT 2009 (天晴)
返番工都有三星期喇, 亦即代表我轉組轉o左三星期Lu!
初時知道要轉組, 其實真係唔太想, 因為原先拍開的三位同事都夾得好好, 大家每日都工作得好開心. 真係好多謝他們三位呢三年多的幫手!
不過無辦法啦, 事實原先個Team的生意越來越差, 如果我老闆唔先做D安排, 唔通等美國總公司出聲要Cut人咩? 起碼現在我掉o左去全公司最好生意及最忙個Team, 咁美國都無藉口要Cut人啦!
唔經唔覺係呢間公司都做o左差唔多四年喇, 一直以來都做得好開心, 因為老闆俾我們的自由度好高, 他為人亦好Nice
雖則我好明白上述所提及的事情, 但真係做的時候, 當然唔多唔少有一點的不順暢. 因為新組的同事們, 他們本身已合作了有10多年, 所以有一定的默契, 而我係老闆同美國公司指定要加入的, 唔知他們對我會有咩睇法! 都係果句啦, 唔理咁多, 最緊要做好自己的本份Lor!
老實講, 暫時我都未太習慣新Team的工作, 因為有好多款號呀, 工作程序呀都在摸索中. 
今個星期, 開始我舟車勞動的日子喇. 由於要陪美國來港的Production Director, 我呢個星期一(東莞), 星期四(中山)同星期五(東莞)都要上大陸, 上大陸唔緊要, 最慘係每日朝7出門, 晚8先有我回家呢! 真係搞到超級唔夠訓呀.
下個星期開始, 我要每星期上兩次大陸呀! 唉, 仲邊有時間寫Blog啦!
