一年後的聚會

20 JUNE 2010 (天晴)

上星期接到Boris的來電, 問我有關Shaghai Expo的情況, 因為他會24/6同余佳一起回上海, 到時打算去睇睇. 我梗係極力叫他們唔好去啦! 又熱又迫又多人. 真係攞苦來受呀.

最後, 我們約o左今晚出來食飯. 因為上次大家的見面都已是一年前的事了.

由於今晚係父親節的正日, 為防被當水魚. 決定搵日式西餐廳作為我們的聚會點.

I-square的鎌倉和茶房夢見屋, 貪它抵食, 無咩人又無什麼特別的父親節Set.

每人叫一個set, 再加個小食及Pizza.

大家傾度咁上下, 才開始點蛋糕.

我們真係幾馬拉松式o家. 由7:00pm傾度10:00pm先捨得走.

Boris兩公婆走o左後, 我, 露花同叻靚醒, 要捉住梅生再到MaCafe吹水, 因為我們好耐無見梅生呀. 要關心吓他的近況先得.

同場加映: 嘩! 睇吓我隻腳粒水泡幾咁謗. 成粒象皮糖咁呀! 真係好恐怖.

唔該露花今晚幫我挑穿去先得呀. (不過最終搞o左成個星期, 呢粒咁頑強的水泡先開始完全平晒!)