29.6.2010 (天晴)
今日係露花的正日生日. 先前見D網友話伊呂波日式燒肉質素唔錯. 所以今晚決定同露花來慶祝吓.
訂o左7:30pm, 露花先到攞枱. 當我入到去時, 見到有間房, 心諗咁正. 哦! 原來隔離有一家人坐o架! 我覺得唔係咁方便Lor, 坐得咁近, 無咩私隱. 如果下次來一定要有4-6人, 可以霸晒成間房o麻!
打電話來Book位時, 話呢個Set雖於8:00pm前落單便OK! 所以我們便7:30PM到.
當上完以下的三樣食物, 個經理過來話呢個Set買完喇. 呢D會免費送給我們Wor!
問題唔係要你送呢3樣食物呀. 係我們已經根據呢個Set之後, 便再點了其他食物. 現在又要我們再諗過. 仲有已叫o左帶子, 又影響我們叫唔到個海鮮Set, 真係煩.
呢個魷魚一夜干, 超好味呀!
最後我們點o左個牛肉Set, 牛舌同海老.
呢個海鮮餅係我要求得來o架. 因為我同個經理投訴, 點解咁遲先話買晒個2人Set.
食完, 緊係要來番個甜品啦. 豆腐雪糕.
搵人幫手影張相先.
走喇! 下次要同D老友再來食.
呢個蛋糕係我去食燒肉前, 先到岡田咖啡買, 貪佢夠細個.
露花生日快樂呀!
沒有留言:
張貼留言