14 JULY 2010 (天晴)
大約20分鍾的車程, 我們便到達了Fishermen Village.
我們先揾地方泊好車. 跟住便沿住一條路直行揾o野食.
Fishermen Village的大街, 兩旁都有很多很多的食店.
真鯊魚仔.
當我們行到一間印度人開的西裝店門外, 研究吓旅遊書有咩推介時. 店內的印度人老闆好熱情咁出來同我們傾計, 仲介照他細佬開的印度食店給我們.
我們好易信人o架! 決定一於去吓試先.
我們有老有嫩, 梗係行得慢D啦. 家陣都晚上8:00多, 所以見到檔Pancake車. 仲唔買番兩件來試吓及頂吓肚先.
我們買了香蕉味的, 30B一份, 真係又平又好味.
行o左10分鐘左右. 终於見到我們的目標喇! KOHINOOR INDIAN RESTAURANT.
由於都幾多人, 所以我們要分開坐. 陳氏家庭坐室內, 而我, 露花, 亞儉同Windy, 豐豐坐室外.
叫飲品先.
好彩我們坐室外, 因為室內實在太焗, 太熱. 後來陳氏家庭都要搬出來坐.
今餐晚飯食o左好耐, 唔啱, 應該是等o左好耐. 我們等o左成粒鐘呀. 10:15pm才開始有o野食. 好在D食物都好好味. 兩枱食物埋單共2600B. (下面的相只是我們果枱的, 未包陳氏家庭o架!)
呢個係隔離枱對英國夫婦推薦的. 都好好食.
呢半隻燒雞好好味.
咖哩唔太辣.
由於我們真係等得太耐, 老闆覺得唔好意思. 所以免費請我們飲"有薑味的印度奶茶".
味道其實有點怪怪地. 呢餐飯我們足足食了兩個多小時. 由未夠9:00PM坐到11:00PM才離開.
係蘇梅晚上揸車真係要小心一點. 因為無咩街燈及路牌指示. 好在我們有位超人陳生係度啫!
回到酒店後, 我們仲要來個水果宵夜呀.
今晚真係好豐富同好攰呀! 所以明天決定上午係酒店Hea, 咁o米可以瞓晏少少Lor!
上一篇 : 2010暑期蘇梅之旅 - Day 2 (水果街市篇)
下一篇 : 2010暑期蘇梅之旅 - Day 3 (早上篇)
沒有留言:
張貼留言