出o左院喇!

27 SEPT 2010 (天晴)

多謝各位老友這幾天在Facebook的留言及慰問!

我今日下午1:15可以出院喇! 仲係精精神神咁出院.  雖然肚上的傷口仍然痛 (露花話我個肚由先前的一個皮球變成一個保齡球, 因為做微創要在肚上開了三個孔!) 但比較起去年的甲狀腺手術, 今次感覺舒服好多! 不過費用亦都貴好多好多, 仲比我預算的多出差不多$20,000.

今次我住的是四人大房, 第一日只有我及另一病人, 第二日下午共四人同住, 第三日中午後只有我一人.

第一日等做手術前無聊時影吓呢間四人房.

 我的床位.

 最鍾意是有獨立電視

下午4:00開始做手術, 露花話我差不多8:00pm才被推回來. 而醫生於7:15pm便到病房跟他解釋我的手術情況及用藥安排.

當我在手術室被醫生叫醒時, 我記得我有點呼吸困難, 醫生不停地叫我用力呼吸, 終於感覺正常. 但隨即而來是全身發抖, 我心裡面係咁同自己講要放鬆, 放鬆, 但直到上房後仍是這樣. 後來護士幫我蓋了兩張熱毯才回復正常.

剛做完手術, 實在太累了, 很快我便又要睡覺, 所以露花陪了我15分鐘後便離開. 第一晚雖然我每個半小時便會醒過來, 但每次很快便再入睡, 而且感覺每次的睡眠質素都唔錯.

第二日露花中午前到, 之後去探奶奶. 而我下午2:00後才可以拆喉及落床, 真係訓到周身骨痛. 今日下午好多謝BenBen來探我, 仲有士多啤梨Tim!

不過醫生話唔好食咁多住Wor! 因為我今日要食軟餐. (不過D士多啤梨真係好甜!正!)

黃昏後, 露花同亞儉又來探我, 仲陪我一起食晚飯.

第三日中午後只剩下我一人. 對面床兩位嬸嬸臨走前仲寫低聯絡電話俾我, 好搞笑! (因為她們兩位的醫生收費勁合理, 所以她們極力推介!)

好在有帶部NETBOOK啫, 如果唔係D時間都唔知點過!

下午4:00多叻靚醒來探我. 我, 露花同叻靚醒三人可以在房中大聲暢談, 又有冷氣嘆, 也算是不錯的節目. 他們陪我至食完晚飯才離開.

呢幾日好多謝露花對我的照顧呀, 仲要他每日走來走去Tim! 辛苦晒喇,露花!