壞消息

13 SEPT 2010 (天晴)

今日雖然是13號, 不過是星期一, 不是星期五. 點解會三小時內收到兩個壞消息的?

第一個 : 我跟了四年多的老闆將會做到9月尾便離開.

今早老闆約了我們好幾位同事出外食飲茶. 當我們坐下不久, 他便向我們宣佈他在公司的Last Day是9月尾. 唉! 真煩, 以後無人照住Tim! 仲唔可9:30am上班.

雖則我8月初時已對我現時的工作萌生去意. 本打算盡量捱到明年三月. 但何解他會快過我離開呢? 唉!

我會於24/9起開始放三星期的病假. 放完病假上班後, 肯定會有很大的變化. 所謂一朝天子一朝臣, 而我是我老闆的頭馬, 所以我做了最壞的打算, 即好有可能於我放假期間便決定炒我!

講真, 我真係無所謂, 因為繼續在這公司做, 是三無. 無錢途, 無前途, 無時間! 唉! 什麼都不用想, 最重要是我要放假好好休息.

第二個 : 飲完茶, 返到公司不久, 接到老爸的來電話老媽在家疑似昏迷.

真係嚇死! 我叫老爸即打999. 我好驚老媽會中風呀!

好在露花在家工作, 所以他可即時過去睇吓發生咩事. 球護員表示, 老媽應該是血糖低, 這時我才可以放心一點.

放工後, 到威院探老媽. 醫生表示, 她今晚要留院觀察, 因為照片後發現她的腦有一點點爆微絲血管.

留醫 (今次是老媽第一次入醫院呀) ! 無問題, 但由下午4:00多等到第二日上午8:30才可以上房. 搞到老媽全晚無覺好瞓. 真怕她身體捱唔到.

好彩, 昨天老媽便可以出院. 希望她回家後可以好好休息啦!