同事聚會

8 JAN 2010 (寒冷)

今日好凍呀! 咁啱我們成班同事約好今晚到Kennis家打邊爐.

其實今次的聚會早於12月初已決定, 當時都未發新公司的人事變動. 因為我們美國公司的好同事Karen趁放聖誕新年假回港探親. 所以今次的聚會更加有意義, 因為又可以見到Kennis同油雞哥.

我專登搵今日上大陸睇貨, 且成機早一點回港去大美督! 其他同事放工後打的入來. 今晚仍都好多謝Karen, 大劉同油雞哥下午便入來幫Kennis手預備所有的食物同飲品.

講真, 我想去Kennis家好耐o架, 因為她養o左好多狗狗呀! 今日我終於可以認識牠們喇!

其中陳小明係最叻, 最醒的狗狗.

陳小明真係好叻, 好聽話o架! 因為牠自細受過訓練, 仲經常出場Tim! 下面全係牠攞o既獎盃. 你話牠係o米好勁呢!

除o左陳小明, Kennis屋企仲有2隻金毛, 3隻狼狗, 2隻拉布拉多, 1隻小比熊, 1 隻短毛貓貓. 因為3隻狼狗及2隻拉布拉多比較嘈, 見到外人係咁吠, 所以主人要鎖牠們係露台.

我又有機會同2隻金毛影相喇! 牠們今年都係12歲!

呢隻叫八妹.

呢隻叫肥仔.

仲有隻可愛的小比比. 小比係暫居呢度, 因為Kennis要教曉牠懂大小便後才送回予主人.

好搞笑, 小比比出牙仔, 周圍搵o野咬. 呢張相係牠係咁咬Carey隻襪.

哈! 標題係同事聚會, 但上面全係狗狗的相. 無辦法, 我真係好鍾意狗狗.

我D同事出現喇!

先來張大合照.

跟住梗係四位美女啦.

之後到四位猛男.

真係唔該晒Kennis自製的四款食物.

 

大家一邊食, 一邊講傾計, 講笑. 真係好鬼開心! 由於天台實在太凍, 我們打完邊爐後, 要即刻落番2樓取暖同食甜品, 仲可以又同狗狗玩吓Tim!

唔覺唔覺, 11:30喇. 要走喇, 如果唔係無車返屋企喇! 大家一起閃!

好開心呀. 我呢張相可以同陳小明及小比比一起影相, 仲係大家都有望鏡頭Tim!