聖誕Party - 2009 Part 2

25 DEC 2009 (天晴)

抽完獎後, 輪到小朋友玩遊戲時間喇!

由今年起, 我開始將MC的位置交俾寶怡接棒喇!

而且所有的遊戲都由寶怡諗Tim! 我終於可以抖吓喇!

第一個遊戲係問題環節, 由寶怡姐姐發問, 小朋友搶答. 選出來又答對的小朋友有份小禮物o架!

睇吓大家幾咁支持同專注!

呢幾位係其中有份出來攞禮物的小朋友.

玩完第一個遊戲, 仲有半小時便要交場. 真係要嗱嗱淋玩第2個遊戲先得. 第二個遊戲係"有口難言".

睇吓我們呢幾位美小女的演繹方法幾咁可愛!

好喇! 要交場喇!

臨走前, 再影吓相先!

跟住我們d大人的指定動作, 梗係上Honey媽家開枱打台仔啦!

因為大家都好耐無見Calvin, 所以要捉住佢影吓相.

話說呢枝酒係上年聖誕節時, 露花個意大利客空運來港的. 不過我們每次有聚會都唔記得帶出來同大家分享. 終於今日記得喇, 不過呢枝酒的味道好似藥酒味, 搞到大家都係試o左少少啫!

好好彩呀! 今年聖誕嬴o左少少麻雀錢!