出發前的裝備篇

17 JAN 2010 (天晴)

由於今年的冬季被稱為"迷你冰河時期", 加上我們由12月初便開始留意首爾的天氣, 而每次見到的溫度都是負度數的. 感覺真的較東京寒冷, 為怕兩位小朋友的衣物不足, 所以決定今日下午先陪Honey媽一家去掃花園街, 晚上再去睇"亞凡達".

記憶中, 我從未於星期日去過花園街, 因為怕人多擠迫. 不過今日無所謂啦, 大家一起去尋寶. 好彩, 我們行o左唔夠10分鐘便搵到一間有雪褲賣的出口店. 更好彩是很快便幫兩位小契女買到合身的雪褲, 仲好平Tim!

左邊果條, 亞晴亞橦都有買, 每條$100, 左邊果條$60, 是亞橦的, 好平好抵玩.

之後到Honey媽同Ben Ben尋寶, 而露花, Calvin同亞君都睇到心陏陏要話買番條. 由於我同亞儉無o野要買, 於是便帶兩位小妹妹去飲住下午茶來等他們. 我們最终係茶餐廳坐o左45分鐘呀! 班團友竟然買雪褲買o左2粒鐘, 厲害!

掃完雪褲, 我們再去旺角的Overlander睇吓有咩補充. 最後露花同亞儉買o左對同款的GORE-TEX鞋, 而Honey媽同亞君各買o左一對GORE-TEX手套, 仲幫亞晴同亞橦買天蠶衣.  

睇吓他們D戰利品啦!

左邊是露花的, 質地唔錯$180. 右邊是Honey媽的. 每條$160.00

BenBen揾到條好o野, 就係粉紅果條. 質地同車工都好好o架, $180.00; 另外啡色果條都係BenBen的, 好似$160.00

呢條雪褲係亞君o架, 又係一條品質好好的雪褲, $180.00

仲有Calvin都買o左條呀, 又係紅色o架. 好搞笑, 成班男人都著紅色雪褲, 好彩我都有一條紅色的雪褲啫.

今晚我, 露花, BenBen, 亞儉同Calvin會去睇"亞凡達", 所以我們行到五時多一點便要嗱嗱淋走先.

順帶一題, 我有件陪o左我3年的保暖外套失蹤o左呀!呢件衫是2006年去北海道時係保捷行買o架, 成千銀o架! 呢件衫真係好正, 好保暖, 有輕身, 唔擁腫, 個人認為好過著羽絨. 可惜我係屋企搵o左成3個星期都搵唔到, 好慘呀!

喇! 就係我著住係內面淺紫色果件呀!

仲有兩個星期時間, 希望我可以搵得番啦!