摷定o野, 去旅行

24 JAN 2010 (寒冷, 天陰)

今日又係忙碌的半日, 點解係半日? 嘻! 因為我們起身都成下午一時多D喇!

起身決定第一件事要做的是要再尋找我件失蹤o左的保暖外套. 哈!哈! 可能因為我上篇Blog將呢件事寫o左出來, 而得到大家的念力幫忙, 我终於今日搵到喇! 多謝晒你們呀!

我點搵番件衫? 我將衣櫃的衫全摷晒出來, 之後見到一直放開露花件Down的IT迷奇索繩袋咁大舊o既, 於是我便打開來睇睇. 原來我把件外套都放埋入去呀! 今次真係傻仔, 搞到我搵o左佢咁耐, 好彩搵得番啫.

之後再去摷番對一年著一次, 每次連續著十幾日的雪鞋出來. 話說我呢對雪鞋真係超抵玩. 係2006年去旭川時的步行街內的百貨公司買的, 當時只售2,900YEN, 為起港紙都係$200左右.

入面有好多毛毛及夾o左棉o架, 真係都幾保暖.

跟住再摷對雪地之寶出來. 嘩! 呢套雪"扒"跟o左我成10年喇. 我於2000年係北海道小樽買的, 當時要成1,500YEN, 果陣只有我, BenBen同老李有買, 不過他們的已經一早唔知去o左邊喇. 好彩我仲Keep得住. 真係好有用o家, 係冰地上真係你上行幾快都唔怕趺呀!

好! 合體!

搞點晒自己o野後, 到幫BB狗攞小便去診所驗及取藥. 之後我們去荃灣探奶奶兼同露花的家人食團年飯.