一年一度與廖生的聚會

24 APR 2010 (天晴)

今年與廖生的聚會來得遲o左, 以前我們一定會係於過年前見面的. 因為我們與廖生見面的最主要原因係睇流年喇! 唔覺唔覺我們與廖生的約會維持了十幾年.

而今日更加較前幾年人強鼎盛, 可能今日係星期六的關係, 老友們都可以帶小朋友一起出來飯聚. 今日的陣容有12位大人, 4位小孩, 1位BB.

今日我選了"愛八會 - 團長"的好介紹 - 京寶酒家, 因為廖生十分鍾意打邊爐o麻!

嘩! 今日我們好犀利吓, 食o左好多好多o野呀.

首先來三個海鮮盤 (HK$198一個, 仲送一個$48的湯鍋).

睇吓全枱都係食物, 仲要放滿埋後面張枱Tim!

我們仲叫多條$98的青班.

呢碟牛最無得鼎, $10一碟, 我們食o左11碟呀!

好開心今日又見到細佬仔 - " 晧佳" 呀. Doris媽媽同大眼爸爸專程帶他出來謝參生的改名提議吧.

細佬仔好叻呀, 成晚都無瞓覺, 好開心咁係度玩.

亞晴, 亞橦個名都係由廖生的意見而決定的.

仲咁快識拎奶樽Tim!

兩位小妹好食緊o既奶皇包都好正o架! 我們已經好飽啦, 最後都要叫多碟來烚吓烚吓.

最後來張大合照, 可惜大眼他們要早走, 所以少o左他們一家三口份Tim!

執好張枱後, 又係食蛋糕時間. 呢個蛋糕無咩特別慶祝, 只係我今日途徑"Royal Park"酒店見到"100%牛乳藍梅芝士蛋糕"每個HK$38, 好鬼抵. 所以決定買兩個來食. 因為亞晴同嘉熙都好鍾意食Cheese Cake. 好彩, 大家對呢個蛋糕評價都唔錯, HK$38Wor, 仲係酒店出品, 真係超值啦.

食完Cake, 酒鬼們再來3瓶啤酒, 今晚生力做特價呀, 每枝$10. 埋單時才知今晚飲o左18枝.

今晚埋單總數為HK$3,091. 真係好抵食!