27 MAR 2010 (天陰)
終於到我最期待的一Part喇! 就係可以同食Buffet時見到Character及與他們拍照.
話說我先前都有三次與Character食Buffet的經驗. 等我係度想吓當年先......
第一次 : 1996年
講到最開心, 最難忘梗係1996年Honey Moon去Florida玩o左7日6夜. 諗番起當時的價錢真係超值. 因為當時有一位朋友移民o左去多倫多, 她當時有位相熟的Travel Agent, 所以好提意我們由香港先飛去多倫多, 再由多倫多飛去Florida. 我記得兩人的Package價約每人HK$2,500左右. 但已包o左來回Toronto去Florida的來回機票, 仲有6晚Disney Resort的住宿(我們住係ALL START RESORT), 還有4日的Disney Pass及一部車
諗番起最搞笑係當我們Check in 時, Counter同我們講如果要同Character食早餐, 最一日Book便OK. 難得去到, 梗係要食啦, 我們仲係第一次可以同米奇食早餐Wor! 所以當時就算要自己俾都要去.
當時真係超開心, 一共有5位Characte出現. 又要影相, 又要拍Cam, 又要食o野! 當埋單時我們都只係簽房數. 於是我們常常話呢餐究竟駛唔駛HK$300呢?
嗱!嗱!嗱! 我一向去旅行都有D運o架! 最後原來個早餐費已包埋係Package內o架!
第二次 : 2005年
呢次係我們第一次去香港的迪士尼. 仲係Hollywood住o左一晚來慶祝結婚週年. 而第二日我選o左係樂園內食早餐, 除o左平一點外, 還可以樂園未開前入場先食早餐, 起碼唔駛同人迫埋. 今次最特別係有花木蘭同穿中國服的Minni.
第三次 : 2007年
今次又係慶祝結婚週年呀. 不過今年多o左梅生同梅太的結婚一週年及亞晴亞橦的12月慶生. 呢次我們入住Disneyland Hotel. 而第二朝安排於酒店內的翠樂亭餐廳食早餐
想當年完畢, 希望無悶親各位啦!
沒有留言:
張貼留言