27 Mar 2010 (天陰)
想當年完畢! 講番我今日的開心事喇!
首先真係要讚吓迪士尼酒店的各位員工, 他們不單止有禮貌, 仲差不多有求必應.
入到餐廳內, 本來安排我們坐中間位, 但我覺得周邊都係人, 有點迫. 所以我要求坐比較少人的位置. 因為影相都會方便D, 唔會影到鄰坐的客人o麻!
坐定後, 第一時間已經見到Daisy, 好開心呀! 今次可以見到Daisy, 起碼有點驚喜o麻. 因為每次都一定會有米奇同高飛的.
之後到Micky走埋來!
同兩大主角影o左相, 可以開始專心發功去攞o野食. 露花先出手, 走了一圈回來的反應係 "嘩!正! 好多o野都啱食!" 睇吓有咩食物啦!
跟住工作人員來問我1:30PM攞蛋糕出來慶祝可以嗎? 我回答他們不如2:00PM吧. 因為我們當時都還未開始取食物.
又睇吓我食o左D咩哩!
係呢度食Buffet真係每次都好忙o架! 一邊食一邊影相, 當你唔想影要專心食o野時, 各位Character又會走埋你搞吓你, 係度整蠱作怪, 好搞笑! 喇! 最百厭個位一定係Goofy同Pluto.
戲肉時間到! 我終於可以同Micky一起切蛋糕及唱生日歌喇!
先影吓我個生日蛋糕. 係美國芝士餅!
好喇!亞晴亞橦話斎, 我要自己影!
當我要影單人相時, Goofy同Pluto又走來攪攪震!
最搞笑係Pluto, 他走過來避難, 因為他今日勁受班小女童軍歡迎, 經常被她包圍及捉住影相. 後來我同班小妹妹傾計, 原來她們係買獎卷比賽中取得第二名, 仲有她們原來係馬鞍山區o架! 真係叻, 所以老師請她們來迪士尼食Lunch Buffet, 抵讚!
影完相. 又係時候抖抖, 食吓甜品. 個生日蛋糕最後我是全個拎返屋企, 搞到我同露花食o左三日先食得完.
休息的時候, 等我攞張張生日咭出來搵各位Character簽番個大名先.
睇吓Pluto幾咁專心地簽名.
最後我有一張免費的8R攞走, 不過一場來到, 梗係買多兩個有我同露花的匙扣留念啦. 喇! 右手面上下兩格的是今次入住迪士尼所送的禮物.
之後當然逛吓唯一一間的商店, 最後我買o左呢三枝筆, 分別送俾最鍾意史迪仔的契仔嘉熙, 及我兩位小姪女.
跟住將個蛋糕繼續放係餐廳, 而行李放係Lobby. 我同露花便再四圍影相.
沒有留言:
張貼留言