韓國之旅2010 (Day 6 - 15/2/10) - 遇上韓國春運篇 Part 1

韓國之旅2010 - 9天遊 (Day 6)

15 FEB 2010 - 大年初二 (晴天, 寒冷)

大約坐了35分鐘的酒店巴士, 我們在"太白"火車站下車.

我同BenBen第一時間衝上去買16:00的回首爾火車. 但票務員話只有企位, 沒有坐位了. 嘩! 要企四粒鐘喎, 唔掂呀!

睇! 真係好多人o架!

於是我同BenBen又再衡往隔離的太白巴士站, 買回首爾的巴士票.

第一次問話無晒大巴票, 後來再周旋了一會, 終於搞掂!

不過我們要分兩班車返首爾.

一班剛好有四個位, 時間又早一點, 是17:59. 於是我們便決定買這票予陳氏家庭. 因返到首爾最快都要20:30. 咁兩位契女唔駛咁夜瞓嘛.

而我, 露花, 叻靚醒, BenBen, 亞儉同梅生便坐19:30的巴士返首爾.

講真, 今次是我第一次咁大膽唔事先訂定車票. 好在最終都搞得掂, 下次都是要先訂票較安全D, 因為韓國人同中國人一樣會於農曆年放假返家鄉, 而今天是假期的最後一天. 不過呢D咪係自助旅遊的難忘經曆Lor!

買好晒車票, 我同BenBen返回火車站找其他團友. 現在才是下午三點左右, 仲有咁多時間, 於是我們幾位女團友 (我, BenBen, 叻靚醒同Honey媽)便決定行去車站前一點的購物街睇睇.

好在昨晚我同露花, 梅生曾經路過這幾條購物街, 起碼可以俾我們消磨吓時間. 講真, 呢幾條街都有不少的商店休息, 而且賣的物品都唔平. 所以我們真係為了打發時間而行吓的.

之後返回火車站, 睇見亞晴同橦已在瞓覺. 好在太白火車站有很多坐位, 所以我們一起坐在火車站大堂睇韓國的綜藝節目, 都幾搞笑.

嘩! 火車站真係仲有好多人呀, 直至回首爾的火車到達後, 才人潮散去.

時間過得很快, Honey媽一家要走喇. 我, 露花同梅生一起幫陳生忙拿喼到車站,順便送行.

 

拜拜喇! 亞晴亞橦, 相信明天先會見到面, 因今晚我們幾個要成10:30才到東首爾站.

 

上一篇 : 韓國之旅2010 (Day 6 - 15/2/10) 在O2最後的半天 - Part 3

下一篇 : 韓國之旅2010 (Day 6 - 15/2/10) - 遇上韓國春運篇 Part 2