29 AUGUST 2009 (天晴)
其實我老豆的正日生日應該是下星期日(6/9), 但因為遷就我的關係改為今晚提早慶生.
今年係我老豆的75歲生日, 係咁易o係樓下的酒樓整番一圍請姑姐,亞叔同亞姨來開開心心同老豆食餐飯.
今日下午4:00多, 美孚姑姐, 姑丈同亞叔先來陪老豆打番幾圈麻雀仔. 而老媽亦都一早去接兩個姪女入來.
我同露花6:00pm左右便去攞蛋糕, 之後才去酒樓. 見7:30pm才便開始開餐, 而且肥仔細佬同桂姨都未到. 於是我便帶柔柔同琪琪去公園玩吓.
初時玩滑梯都唔知幾開心, 後來亞妹琪琪話要去玩氹氹轉, 我呢個姑媽梗係認她們的要求啦! 正當她們係氹氹轉坐好時, 我便大聲問她們扶好未? 兩位小朋友都好大聲話扶好, 於是我o米開始轉Lor! 點知, 一轉家姐柔柔便由氹氹轉趺o左落嚟! 嘩! 嚇得我oY, 第一時間即刻睇吓她有無整親啦, 檢查後, 右邊面仔擦損了一點. 因為柔柔被嚇親, 於是不停咁係度哭, 本來我打算嗱嗱臨帶她返回酒樓, 後來問她們好無玩多次滑梯先走? 兩姊妹即刻點晒頭, 話好! 而柔柔仲唔再哭Tim! 不過今次真係我呢個姑媽唔小心啦, 好彩柔柔無咩事啫!
返回酒樓後無耐, 我們便開始埋位Lu!
大家開開心心食完飯, 梗係唔少得食壽包啦!
之後係切蛋糕時間, 不過老人家要早睡早起, 姑姐姑丈同亞叔影完相要走先喇!
今日個蛋糕係肥仔細佬加料整o家, 係栗子蛋糕加脆米餅底, 好好味呀!
好啦! 食蛋糕前影吓相先!
切蛋糕喇! 老豆, 祝身體健康呀!
睇吓兩位小朋友食得幾滋味!
食完蛋糕, 同姨婆影張相先.
大細佬的全家幅.
希望今晚老豆開心啦, 難得一 家人齊齊整整食餐飯!
沒有留言:
張貼留言