3 SEPT 2009 (天晴)
今早7:30, 醫生巡完房後, 話我抽多次血, 睇完報告後, 應該下午可以出院!
點解我要抽多次血? 因為昨晚我的左唇有點麻痺, 懷疑我唔夠鈣. 但昨晚的報告是正常的, 安全起見, 今早再抽多一次睇睇.
中午食完飯後, 醫生話我個報告正常, 所以可以預備出院喇! 真係估唔到, 不以咁快出院, 不過咁都好oY, 因為係醫院真係無覺好瞓o架!
好多謝大家的關心呀! 我情況都唔錯, 係吞o野時有D痛, 為o左就住前面o既傷口, 搞到我後頸僵硬晒, 鬼死咁攰. 另外左手吊鹽水的針孔位都好痛咁啦. 我會康復得好快o既!
我會休息埋下個星期先返工呀!
講真, 先前對公立醫院真係有d擔心. 不過今次係瑪麗住過後, 感覺完全唔同晒, 醫院內的護士, 工友都十分好人, 好幫手同好有禮貌呀! 呢兩日真係唔該晒你們的照顧呀!
沒有留言:
張貼留言