25 SEPT 2009 (天晴)
玩完摩天輪後, 我們四個大人決定點都要揾間鬼屋玩吓. 於是去o左排"十三號差館".
最终都要排成40分鐘先有得玩. 好彩一路排, 一路有得撞吓鬼嚟解悶!
呢個差館都好有趣, 入去前一人要攞一個八掛來擋鬼. 一見到鬼按制著燈後, D鬼便唔會走埋身!
一出差館, 即見到牛頭馬面. 好正!
跟住我們最後的目的地就係"彭氏兄弟製作的 - 鬼域"! 話晒大製作, 點都要入去被嚇吓先得o既!
我們沿途行去"鬼域"時, 又撞到好多唔同的鬼! 真係影鬼都有排影!
最搞笑係, 嘉熙同寶怡影跳樓機椅時, 牛頭走嚟攪攪震!
終於到大樹灣喇! 嘩! 原來呢邊都好熱鬧, 仲有個搞笑大型Show睇 - 噢!屍卡頒獎典禮!呢個Show真係啱晒兩位唔入鬼屋的契仔契女喇!
呢度分別有"冥通中心"同"鬼域"兩個主題鬼屋.
雖然"鬼域"係今次哈囉喂的重頭戲, 但排隊都唔洗30分鐘, 唔知係o米成11:00pm的關係呢! "鬼域"內裡的布置很認真, D道具同公仔都做得好好, 而且鬼屋的氣氛都好得. 好值得入去玩吓.
玩完出來, 又繼續周圍揾鬼影相先!
今晚我認為最"正"的鬼係呢3位.
左面的係全晚最靚仔o既"鬼". 馬面先生係全晚最大隻o既"鬼".
呢隻鬼竟然有前後兩面o架!
好喇! 終於要走喇, 原來已經12:15am Lu! 臨走前, 再同蜘蛛精影埋最後一張相先啦!
wa.......玩到咁夜
回覆刪除[版主回覆10/02/2009 23:13:00]係呀, 我都估唔到會玩到咁夜!
原來可以玩到咁夜嫁, 咁其實係收幾點嫁? 咁夜點返屋企? 其實又真係會幾好玩, 原來攪到咁大陣象, 仲咁多鬼.
回覆刪除[版主回覆10/02/2009 23:15:00]好似係玩到12:00AM.
我係金鐘有通宵巴士返屋企.
都OKo既, 如果唔洗排隊就盡好!
香港鬼節,中西合壁,好精彩
回覆刪除[版主回覆10/02/2009 23:16:00]呢5年, 香港都開始好重視Halloween. 你們係加拿大又點過呢?
百年香港鬼 , 一晚撞晒 , 你地都撞到好多隻 !
回覆刪除[版主回覆10/02/2009 23:17:00]好彩全係假o野啫!
好大製作! 比起下水禮,哈囉喂認真好多,可惜,咁多年我都未玩過.................因為,我怕呀!
回覆刪除[版主回覆10/02/2009 23:18:00]海洋公園呢幾年都真係靠哈囉喂搵唔少呀!
睇落幾好玩喎,撞到咁多隻鬼,淨係影相都有排影,你夜晚瞓覺有冇發惡夢呀?
回覆刪除[版主回覆10/02/2009 23:19:00]我都係諗住入去影相咋! 梗係無啦, 因我都無被嚇親!
算唔算多人??一晚玩咗幾多間鬼屋呢??
回覆刪除睇裝扮今年真係唔錯!!
[版主回覆10/02/2009 23:20:00]我想果晚唔算多人吧. 我玩o左2個咋!
你先前去過?
睇報紙話扮鬼果 d 人o既戲服好大 "浸" 除喎, 你影相果時聞唔聞到呢
回覆刪除[版主回覆10/07/2009 22:58:00]果日又唔係好覺wor!
哈哈~~今次你哋真係一早去咗呢個全城哈囉喂....起碼一定快鬼過人囉....kaka!!!
回覆刪除[版主回覆10/07/2009 22:59:00]真係幾早o架, 仲有成個月先到哈囉喂!