日本四國之旅 - (Day 6 - 21/2/07) 在世界中心呼喚愛拍攝景點

日本四國之旅16天遊 (Day 6)

21 FEB 2007 (天晴)

唔知大家有冇睇過"在世界中心呼喚愛"呢? 我都只係睇o左電影版咋! 跟住要去的景點就係劇中男女主角(亞紀同朔太郎)聊天的防波堤及出海的小碼頭喇!

我們由松山市花了兩個半小時駕車來到 - 高松市香川縣庵治町. 因為時間關係, 我們只能夠係防波堤同小碼頭影相.

當我們駕車到漁港附近, 明明個GPS叫我們咁樣行, 但我們兜兜轉轉都去唔到港口. 好彩, 後來有位好好人的日本太太駕車帶路, 我仲坐住她部車去Tim! 真係唔該晒呀!

來到漁港, 都差不多開始日落喇, 大家把握時間影相Lu!

影完景, 當然輪到我影啦!

呢度仲有尊觀音像o架, 就係老李身後發光那尊喇!

實在太大風的關係

, 而且天都黑喇! 大家係度磨o左半粒鐘左右, 便揸車返回高松市中心.  因為我們7:30pm要還車呀!

自駕遊小插曲 :

話說我們今日都好驚險吓!

  今日的司機係露花先生, 當我們入完油小休一陣後, 我們便向庵治町出發. 可能我們坐車太久的關係, 小休完大家便精神奕奕地係車上嘈吵

. 唔知係o米呢個原因, 搞到露花分o左心. 他竟然係十字燈位度衝紅燈呀!

 好彩對面線o既車停得快啫!

如果唔係.......

自駕遊感想 :

去o左日本咁多次, 今次係第一次玩自駕遊. 講真自駕遊又真係幾方便, 不過坐JR又有它的特別之處. 我想下次係日本再自駕遊的話, 應該都會係夏天遊北海道, 又或者係九州遊吧!

 

上一篇 : 日本四國之旅 - (Day 6 - 21/2/07) 道後溫泉告別篇

下一篇 : 日本四國之旅 - (Day 6 - 21/2/07) 夜遊高松市