手術日!

2 SEPT 2009 (天晴)

今早要8:00前返回醫院, 因為9:00am要照肺.

今朝我6:00幾已起床, 澡番個涼同洗頭先入院. 因為唔知要住幾多日醫院o麻! 今早真係唔該晒BaBa車我同露花去瑪麗呀!

今次我入住的係K座北16樓25號床. 嘩! 原來係雙人房嚟o家! 真係唔錯.

 最後一張未有疤痕的相.

 同房o既另一位嬸嬸都係做甲狀腺全切除手術. 今日我係排第二做, 而嬸嬸排第三. 我要12:00pm前穿好手術衣預備院友推我去手術室!

1:00PM : 我被推到手術窒門外等候.

3:15PM : 我在手術室外被護士叫醒, 當我一醒時, 只感到個頭痛到爆炸咁, 傷口又痛. 好彩我懵吓懵吓都職舉手話好痛, 於是過o左陣有麻醉師出來幫我打多D止痛藥.

4:00PM左右 : 返回我的病房, 我開始慢慢清醒, 護士幫我換衫, 我仲請她幫忙切檸檬 (多謝黑貓的提點!), 因為全身麻醉後會有暈同想嘔的現象, 所以聞吓檸檬會好D.

另外我請護士俾番個電話我, 因我要send短訊通知露花我做完手術. (多謝Kitty提醒我預先set定短訊)

5:00PM : 露花來探我.  不過入o左房一陣便被叫番出去, 因探病時間係6:00pm至8:00pm.

5:30PM : 醫生巡房. 醫生話手術好成功Wor! 仲話我甲狀腺的血管好粗, 現在插喉抽番d血水出來. 無咩大問題, 明天可以出院喇!

呢張相可能會影響各位的情緒!

晚上可以食粥水!

6:00PM : 露花再入來陪我. 仲餵我食粥Tim!

真係好多謝露花呢兩日陪我呀, 真係辛苦晒你喇!

我返屋企後, 你盡有排忙呀!